ਮਈ 25 – ਗਿਆਨ ਤੋਂ ਪਰੇ ਪਿਆਰ!

“ਅਤੇ ਮਸੀਹ ਦਾ ਪਿਆਰ ਜੋ ਗਿਆਨ ਤੋਂ ਪਰੇ ਹੈ, ਚੰਗੀ ਤਰ੍ਹਾਂ ਸਮਝ ਸਕੋ ਕਿ ਤੁਸੀਂ ਪਰਮੇਸ਼ੁਰ ਦੀ ਸਾਰੀ ਭਰਪੂਰੀ ਵਿੱਚ ਭਰਪੂਰ ਹੋ ਜਾਓ”(ਅਫ਼ਸੀਆਂ 3:19)।

ਪ੍ਰਮੇਸ਼ਵਰ ਦਾ ਪਿਆਰ ਮਨੁੱਖੀ ਗਿਆਨ ਦੀਆਂ ਸੀਮਾਵਾਂ ਤੋਂ ਪਰੇ ਹੈ। ਤੁਸੀਂ ਉਸ ਪਿਆਰ ਦੀ ਚੌੜਾਈ, ਲੰਬਾਈ ਅਤੇ ਡੂੰਘਾਈ ਨੂੰ ਕਦੇ ਵੀ ਨਹੀਂ ਸਮਝ ਸਕੋਂਗੇ। ਜਿਸ ਤਰ੍ਹਾਂ ਤੁਸੀਂ ਸਵਰਗ ਵਿੱਚ ਸਾਰੇ ਤਾਰਿਆਂ ਦੀ ਭੀੜ ਨੂੰ ਕਦੇ ਨਹੀਂ ਗਿਣ ਸਕਦੇ ਹੋ, ਉਸੇ ਤਰ੍ਹਾਂ ਤੁਸੀਂ ਆਪਣੇ ਸੀਮਿਤ ਮਨੁੱਖੀ ਗਿਆਨ ਦੇ ਨਾਲ ਕਦੇ ਵੀ ਪ੍ਰਮੇਸ਼ਵਰ ਦੇ ਪਿਆਰ ਨੂੰ ਪੂਰੀ ਤਰ੍ਹਾਂ ਨਾਲ ਨਹੀਂ ਸਮਝ ਸਕਦੇ ਹੋ।

ਹਾਲਾਂਕਿ ਸੂਰਜ ਗ੍ਰਹਿਆਂ ਵਿੱਚੋਂ ਇੱਕ ਹੈ, ਪਰ ਗ੍ਰਹਿਆਂ ਦੀ ਪੂਰੀ ਸ਼੍ਰੇਣੀ ਵਿੱਚ, ਇਹ ਬਹੁਤ ਵੱਡਾ, ਵਿਸ਼ਾਲ ਅਤੇ ਚਮਕਦਾਰ ਹੈ। ਸੌਰ ਮੰਡਲ ਵਿੱਚ ਨੌਂ ਗ੍ਰਹਿ ਹਨ, ਅਤੇ ਧਰਤੀ ਉਹਨਾਂ ਵਿੱਚੋਂ ਇੱਕ ਹੈ, ਜਿਸ ਵਿੱਚ ਸੱਤ ਸੌ 75 ਕਰੋੜ ਤੋਂ ਵੱਧ ਲੋਕ ਹਨ। ਪਰ ਜੇਕਰ ਕਿਸੇ ਨੂੰ ਸਵਰਗ ਤੋਂ ਦੇਖਿਆ ਜਾਵੇ, ਤਾਂ ਇਹ ਸਾਰੀ ਆਬਾਦੀ ਬਹੁਤ ਸੂਖਮ ਦਿਖਾਈ ਦੇਵੇਗੀ।

ਯਹੋਵਾਹ ਦਾ ਪਿਆਰ ਤੁਹਾਡੇ ਉੱਤੇ ਕਿੰਨਾ ਮਹਾਨ ਹੈ, ਜਿਹੜਾ ਸਵਰਗ ਤੋਂ ਮੁਸ਼ਕਿਲ ਨਾਲ ਦੇਖਿਆ ਜਾ ਸਕਦਾ ਹੈ। ਉਹ ਤੁਹਾਨੂੰ ਨਿੱਜੀ ਤੌਰ ਤੇ ਨਾਮ ਲੈ ਕੇ ਬੁਲਾਉਂਦਾ ਹੈ ਅਤੇ ਤੁਹਾਨੂੰ ਪਿਆਰ ਕਰਦਾ ਹੈ। ਉਹ ਤੁਹਾਡੀ ਤਲਾਸ਼ ਵਿੱਚ ਆਉਂਦਾ ਹੈ। ਕਲਵਰੀ ਉੱਤੇ ਵਹਾਏ ਗਏ ਆਪਣੇ ਲਹੂ ਨਾਲ, ਉਹ ਤੁਹਾਨੂੰ ਤੁਹਾਡੇ ਸਾਰੇ ਪਾਪਾਂ ਅਤੇ ਦਾਗ਼ਾਂ ਤੋਂ ਸ਼ੁੱਧ ਕਰਦਾ ਹੈ। ਉਹ ਤੁਹਾਡੇ ਲਾਲਸਾ ਵਾਲੇ ਦਿਲਾਂ ਨੂੰ ਕਲਵਰੀ ਦੇ ਪਿਆਰ ਨਾਲ ਭਰ ਦਿੰਦਾ ਹੈ। ਅਜਿਹਾ ਪਿਆਰ ਬਹੁਤ ਹੀ ਅਦਭੁੱਤ ਅਤੇ ਗਹਿਰਾ ਹੈ, ਅਤੇ ਤੁਹਾਡੇ ਗਿਆਨ ਅਤੇ ਸਮਝ ਤੋਂ ਪਰੇ ਹੈ।

ਅਸੀਂ ਯੂਹੰਨਾ ਦੇ ਕਥਨ ਨੂੰ ਇਸ ਪ੍ਰਕਾਰ ਪੜ੍ਹਦੇ ਹਾਂ: “ਜਿਹੜਾ ਪਿਆਰ ਨਹੀਂ ਕਰਦਾ ਉਹ ਪਰਮੇਸ਼ੁਰ ਨੂੰ ਨਹੀਂ ਜਾਣਦਾ, ਕਿਉਂਕਿ ਪਰਮੇਸ਼ੁਰ ਪਿਆਰ ਹੈ”(1 ਯੂਹੰਨਾ 4:8)। ਇਸ ਤੋਂ ਪਹਿਲਾਂ ਕਿ ਉਸਨੇ ਦੁਨੀਆਂ ਦੀ ਨੀਂਹ ਰੱਖੀ, ਅਤੇ ਤੁਹਾਡੇ ਲਈ ਦੁਨੀਆਂ ਬਣਾਈ, ਉਸਨੇ ਤੁਹਾਡੇ ਨਾਲ ਪਿਆਰ ਕੀਤਾ, ਤੁਹਾਡੇ ਜਨਮ ਤੋਂ ਪਹਿਲਾਂ ਹੀ, ਉਸਨੇ ਤੁਹਾਡੇ ਸਾਰੇ ਪਾਪ, ਬਿਮਾਰੀਆਂ ਅਤੇ ਬੁਰਿਆਈਆਂ ਨੂੰ ਸਹਿਣ ਕਰ ਲਿਆ। ਉਸ ਨੇ ਵੀ ਤੁਹਾਡੇ ਲਈ ਸਭ ਕੁੱਝ ਸਦੀਪਕ ਕਾਲ ਵਿੱਚ ਖਤਮ ਕਰ ਦਿੱਤਾ ਹੈ। ਇਹ ਇੰਨਾਂ ਅਦਭੁੱਤ ਅਤੇ ਮਹਾਨ ਪਿਆਰ ਹੈ, ਜਿਸਦੀ ਤੁਸੀਂ ਕਦੇ ਕਲਪਨਾ ਜਾਂ ਤਜ਼ਰਬਾ ਨਹੀਂ ਕਰ ਸਕਦੇ ਹੋ।

ਤੁਹਾਡਾ ਗਿਆਨ ਸੀਮਿਤ ਹੈ। ਤੁਸੀਂ ਸਿਰਫ਼ ਇਹ ਜਾਣ ਸਕਦੇ ਹੋ ਕਿ ਤੁਹਾਡੀਆਂ ਅੱਖਾਂ ਨੇ ਕੀ ਦੇਖਿਆ ਹੈ, ਤੁਸੀਂ ਆਪਣੇ ਕੰਨਾਂ ਨਾਲ ਕੀ ਸੁਣਿਆ ਹੈ ਅਤੇ ਤੁਸੀਂ ਕੀ ਮਹਿਸੂਸ ਕਰਦੇ ਹੋ। ਪਰ ਤੁਸੀਂ ਉਨ੍ਹਾਂ ਚੀਜ਼ਾਂ ਨੂੰ ਨਹੀਂ ਸਮਝ ਸਕੋਂਗੇ ਜਿਹੜੀਆਂ ਸਦੀਪਕ ਹਨ ਅਤੇ ਜਿਹੜੀਆਂ ਚੀਜ਼ਾਂ ਦੇਖੀਆਂ ਨਹੀਂ ਜਾ ਸਕਦੀਆਂ ਹਨ। ਜਦੋਂ ਕਿ ਤੁਸੀਂ ਆਪਣੇ ਪਿਤਾ ਅਤੇ ਆਪਣੀ ਮਾਂ ਦੇ ਪਿਆਰ ਨੂੰ ਸਮਝ ਸਕਦੇ ਹੋ, ਪਰ ਉਹ ਹਮੇਸ਼ਾ ਦੇ ਲਈ ਨਹੀਂ ਰਹਿਣਗੇ। ਜਦੋਂ ਉਨ੍ਹਾਂ ਦੇ ਦਿਨ ਖ਼ਤਮ ਹੋ ਜਾਣਗੇ, ਤਾਂ ਉਨ੍ਹਾਂ ਦਾ ਪਿਆਰ ਨਹੀਂ ਰਹੇਗਾ।

ਪਰ ਮਸੀਹ ਦਾ ਪਿਆਰ ਆਦ ਤੋਂ ਅਨੰਤ ਕਾਲ ਤੱਕ ਹੈ। ਤੁਹਾਡੀ ਮਾਂ ਦੇ ਗਰਭ ਵਿੱਚ ਬਣਨ ਤੋਂ ਪਹਿਲਾਂ ਹੀ ਉਸ ਦਾ ਪਿਆਰ ਤੁਹਾਡੇ ਲਈ ਵਹਾਇਆ ਗਿਆ ਸੀ ਅਤੇ ਇਹ ਉਦੋਂ ਤੱਕ ਰਹੇਗਾ ਜਦੋਂ ਤੱਕ ਤੁਸੀਂ ਸਦੀਪਕ ਕਾਲ ਤੱਕ ਨਹੀਂ ਪਹੁੰਚ ਜਾਂਦੇ। ਤੁਸੀਂ ਸੱਚਮੁੱਚ ਧੰਨ ਹੋ,

ਪ੍ਰਮੇਸ਼ਵਰ ਦੇ ਬੱਚਿਓ, ਤੁਸੀਂ ਸੱਚਮੁੱਚ ਧੰਨ ਹੋ, ਜੇਕਰ ਤੁਸੀਂ ਉਸ ਪਿਆਰ ਨਾਲ ਭਰੇ ਹੋਏ ਹੋ ਅਤੇ ਉਸਦੀ ਅਗਵਾਈ ਵਿੱਚ ਹੋ। ਮਸੀਹ ਦੇ ਪਿਆਰ ਤੋਂ ਕਦੇ ਨਾ ਹਟੋ।

ਅਭਿਆਸ ਕਰਨ ਲਈ – “ਕੌਣ ਸਾਨੂੰ ਮਸੀਹ ਦੇ ਪਿਆਰ ਤੋਂ ਅਲੱਗ ਕਰੇਗਾ? ਕੀ ਬਿਪਤਾ ਜਾਂ ਕਸ਼ਟ, ਜਾਂ ਅਨ੍ਹੇਰਾ ਜਾਂ ਕਾਲ ਜਾਂ ਨੰਗ ਜਾਂ ਸੰਕਟ ਜਾਂ ਤਲਵਾਰ?”(ਰੋਮੀਆਂ 8:35)।