May 21 – KHYATHI STUTHI

Zephanya 3:20 Yee jammipar chajako sey jannethi jada thon khyathin motpanen dunchu.

Dev yee daden derojako soganer vath thon gourav ann maryadi devunchu. Thar virodij thar namen bhundo karan sarap lavachkaiko. Pan Prabhu thar parvagi rethani sey virodin chetikarnaken thar namen vuncho karan maan maryadin  laan dacha.

Yek gareebpanema vethejako katmalo vethi , bhar vunden kunsithara maan pan vvethikoni.Tho vunden malamvethijako araj karer yekkaj. Vo araj  karan yek nankis hather kam shuru kidey. Vunder araj vu hather kamen aaj samajmema ghano motpanen ann gouravan laandinich. Prabhu kuvatho bachan dinochko hanuj vunden yee lokmema ann athmikvadi sada ashish karnako.

Dev Abrahamen Agadiyar grandh 12:2  vachanema Thon ashish karan thar namen vuncho vaddaduchu,thuj ashishethi rechi. Yee bachan Abrhamer jeevanema athmik vadin lokema sada hamesha rero ashishen laandenaki.

Yudulevalenan Yisraelevalen vadbuder dada kan Abrahamen balavacha. Ajji sey vadbudevuma Abrahamaj masaj budovenra ann seni valakan vetho.

Muslimval Abrahamen Ibrahim Nabi ,yek moto pravaktha kan kacha. Mathai 1:1 vachanema Yesu Christhur nathen lakkerona  vu Daveeder beta ,Daveed Abrahamer beta kan kacha.Abrahamen viswasivun Baap kan ,Hebrivalun Baap kan balavacha. Vothi jada Prabhu Sogan khadoju Abrahamen mahima karan Vor namen vuncho pado.

1 Dinvrutanther grandh 29:12Sampathi ann maryadi doi tharemathi avacha. Thu sejini palan karechi. Joran thakath thar hathema racha.  Thar hathema motpanena balan demelocha.

Ajji jada dyan karen padoDeemo vupadesher grandh 10:21