May 19 – Uttamta Isor nishina!

1 Timothy 3:16 aru vivad nathakikene dangor ase rahasya isornishina hua!

Itu modern homoi te,a mi khan dikhibole pai misa koa khan ke, dhoka aru chalak bazi kora manu khan ke dangor podh loi kene thaka. Amikhan inika bi dikhe isor nishina bhal manu jun khan ke niche dikhai manu khan. Itu prithibi te manu khan Mazak urai pagala bhabi kene manu khan ke jun = khan isor nishina bhal ase. Hoilebi pobitro kotha te koi isor nishina bhal hobole para tu uttam ase.

Kile isor nishina bhal hua tu uttam ase?pobitro kotha te koi: “hoilebi janibi ki Isor pora alag kurishe tai nijor karone jun khan pobitro ase” psalm4:3. Aru isor nishina hua tu faida ase, juntu dikhibole naparibo,ami khan itu janibo lage ki isor nishina bhal porivaar khan  ke hodai din hi morom pabo aru Isor pora uthai thakibo.

Ekta biswasi officer thakishe, jun hi biya kam kure jinika cigarette khan, ghius kha, samanya faila nakura aru inika pora Isor laga naam biya kuri diye. Ekdin taike dhuribo pparishe jitya tai ghusl oi thakishe aru taike kam pora ulai dishe. Aru tai laga pporivaar tu bishi biya din khan dikhibole paishe. Bishi shrap lagishe tai laga porivaar ke aru tai laga bacha khan biya atma pora dukh dishe.

Isor laga bacha khan, kitya bi apuni laga bhal ke jabole nadibi juntu isor pora paishe, nahoile bi hodai laga prathna aru pobitro kotha pora hati jaa. Kitya bi utu kam nakuribi juntu apuni laga mon namane. Rakhi thakibi apuni laga bhal hua ke isor ke bhoi kuri kene.

Pobitro kotha te koi: gana kuribi khemai loi kene apuni laga mon  te isor agete. Aru ji kurile bi kotha te, kam te hoilebi kuribi sob te bi isor laga naam te, dhonyabad kuri kene isor baba ke tai pora colossians 3:16-17.

Ki jani apuni ke bi dukh dishe sorom khilaishe pare apuni laga prabhubhakta sai kene. Tai khan apuni ke hudi bi thakibo pare: “ki paishe apuni iman bhal isor nishina hoi kene? Ki dangor apuni paishe nomro kuri kene? Tai khan inika bi kobo pare ki apuni prithibi te bhal pora jibon ke thakibole najane nahoile bi pagla ase. Hoilebi ekdin ahibo, jitya isor pora apuni ke uthai dibo apuni laga sob dukh pora.

Isor laga bacha khan, kitya bi mon te dukh nakuribi itya laga homoi ke sai kene. Mon chutu nakuribi sorom khilai diya te aru apuni ke niche girai diya te. Thik thakibi isor nishina bhal hi kene. Jinika ami khan pobitro koth ate pure, job tu bhal thakishe isor nishina aru inika Biswas pora hi tai dui guna ashirbad paishe.

Aji bhabna kuribole laga pobitro kotha tu hoile ephesians 4:29 hobole nadibi iku biya kotha ulabole apuni laga mukh pora, hoilebi juntu zaroori ase bhal kuribole, ki itu pora khemai anibo huna manu khan uporte.