May 13 – Rapti Adnabdaine!

“Do kinnoraian a kanti sanangan antate rapti adnabdaine.” (Mattiu 16:18).

Ganungan amanengba, amben agijte er maridan asamanaji manengba ayirtaih ate, lumengloge. Bindo angante ardutaji, tetten iytai dakuneji, bogad Kitungdage adanongdraban dakulenden, do yerlen yirteji ganung-lingan. kun er maridan asamanaji, Kitungan tan-nodan dakuleji aninji abmele, kun saring apadbented gamle do mandranji a d’ong abs’zdte gamle.

Kun ambrij, dile kristu maranji amanglen kinnoraian a kanti sanangan akurben abmele yirtai. Bindo dile mandranji Kitungan amangban adakun asan, kun lanumudan a ranaptin adhamme. Kitungan gamten lanumudan a ranaptin d’ongben adhamme.

Kinnoraian a kanti sanangan yirtai mangbaben. Kun ate amben d’ongdage amadan batte gijle adrabtie, Kitungan kun ate gijle raptite. Pwrban a dinnaling, Anin ualle Ayob a d’ong: “Mang-ling-nam karahidan a sananganji panunggen dele po? Orde karahid a lugngun a sananganji gijle po?” (Ayob 38:17). Kitungan d’ongben rabte do karahidan saring ablubenten.

Daudo a mandrengna abmele gijgijba. Kuddub a mandrengna-lingan, anin ateng kalakal abmele kinnoraiba a kanti sanangan. Kun batte, Daudo idolle karahidan do anindaman abmele. Anin enegoi idolle janang, anin derderlen Kitungan amangba.

Raja Ejekiya, asule do karahidban ardule. Anindman galamle Karahidan a sanangan do bo er maridan asamana ambrij asartudte ate. Anin Kitungan amang gijgijle do gamle: “Hen gamlai: Tungar ayam-ling-hen hen kinnoraian a garannan a sanangban gantai; a talna daningyim ayam-hen panangpangan dete” (Jisaiya 38:10). Bindo Kitungan kan kudduban aranaptin adnadhanghangad Ejekiya a d’ong.

Kinnoraih a kanti sanangan abaldungben asan, Kitungan rauangan a sanangan ariri dakule do Sion a sanangan janang. Jakub, aganumte-lingan gijeten ruangan a sanang a ririn a dakulen ate, do bo tamanamsu godan daku ruangan saring. Anin janang gijle Kitungan a psirdianji a labsotaihji do adaijtenji ate. bar anin gijeten Kitungan atanang a dakun ate. Tanahimdam Kitungan a onagji, ayemgan a Kitungan kinnoraihan do karahidan abs’zdte Anin ambem ampara daku. Anin absangaite do sanuten amben abmele. Do kinnoraih a sanangan d’ongben adhame agaja.

Okiy Kinolbe absele: “Hen Anin a d’ong a gijlaian adnang Anin a j’engban kahid ambrij gunglai. Bar Am’n a jandrumsin batte d’ong hen jable gameten, Bantong dong, Hen abmangan do tanakudan, Hen Am’eng Maran na, do Hen kahidlih, bar gija Hen ayaman a tarda ayaman sikkoi ja am’engdam na, bar mangba-Hen kinnoraian do karahidan a ranzsanganji daku.” (Anabpunggi 1:17-18).