May 09 – Gamangtungan Ahim lingan Derdernaba!

“Bute bute a gardikur linganji do bute bute a kurta linganji derdertenji, bindo anlen GAMANG Kitung-len ahim lingan a derdertenai” (Sanenken 20:7).

Kan ordar-lingan amandranji kinsadam a bitti-linganji orde kayatindage a bara-linganji. Bindo anlen dedertenben Kitungan atanimyim-lingan. ordardage a rajanji aninjidaman a bitti-lingan derdertenji do asamana-linganji. Bindo anlen abmele, jangardadage a rajan, derdertenben Kitungan ahimlen. Daudo gamete: “Aninji pabbale g’ungleji bindo anlen dzlen erztnage a tananglai” (Sanenken 20:8).

Jirimiya kambol-lingan, anlen kinoltabe. Kitungan gamte: “GAMANGtungan kan a bernan maran anin a gamte: Ganalam ganalam lingan kinsadongnete, orde radu marana ranadum lingan kinsadongnete, orde bitti maran a bitti lingan kinsadongnete” (Jirimiya 9:23).

Lucifer, anin bo murdadage pisirdian dakule, a er-maridan a baran asan bar a kinsaneten asan, do a galulen atikki, anin bo surda murda sonuman gadille (Ejekiel 28:16). Ateng ganalam maranji janang ordardage aganalaman batte barij daakuji, mandran karukkudan dele enegoi arsinji saring. Bindo anlen gijtabe arasudan batte akudtenji ate. bibolan gamte: “Iten iasan gamlenden kan ordaran a banuddin Kitungan a ganijgij lingan kekadage daku” (1 Korintian 3:19). Kitungan janang gamte: “Anten asan gijba, kani a mandranji amangban bo rubmang-dagen a baran, u u, bo rubmangdagen a gugu baran barokij Hen lumtai; do aninji a ganalam maranji a ganalaman s’zdte, bar aninji a banuddi maranji a banuddin sanoson dete” (Jisaiya 29:14).

Anlen gijtabe radu maran janang a galuten ate, ayengan amandranji derdertenji a ranapti-linganji. Ajardinna, anlen kuddub galamtabe ranaptidam Goliat bo arengan batte a galulen ate Daudo saring. Janang gijtaben raja Assyria abmele anin derderlen sanu-maranji a ranapti-lingan, bar yangam anin hanglen Kitungan a pisirdianji amang saring. Ranptidam maran galute, asuten ayam-lingan. Do ayengan amandranji aranpti-linganji derdertenji aninji kahidan kahidle s’ztteji.

Nami, iten derdernaben do iten ganuguben? Gamangtungan gamte: “Bogad buteja kinsanaben itsumlenden, anin d’ong-Hen abmadte do galamte, gamle kinsaete. Iten asan gamlenden Hen erztna tanimyiman, janardin do roitad lanuman ordar lingan abajoraitai, bar kuni lingan man’oih-Hen daku. Kanate Hen na. Kitungan, gamtai” (Jirimiya 9:24).

Tanahimdam Kitungan a onagji, Gmangtungan d’ongben bo bangsa ganalaman tiytaben, bittin do absittataben bangsa pasijanji batte. Bindo kan abmele j’e-ling-ben ambendaman a derder-dongne. Kan ate Kitungan a taniytiyan gamle agamben dete dile ayam. Lagaddamlen Kitungan a d’ong ganugun panemengan tiyba, butente kan anabsittan batte abdainabenten. Do Kitungan ateng absittataben!

Okiy Kinolbe absele: “Bindo Anin asan amben Jisu Kristu lingan a dakuten. Kitungan Kristun a d’ong banuddi-len, ranoitad-len; gamle abmeeten. Anin amang lingan manaridan delabe. Anin batte tanandzn delabe. Yante gamle engale anidan daku, manan, Butente kinsaten, anin Gamangtung lingan kinsanete” (1 Korintia 1:30-31).