May 07 – GHANO SRESHT NAAM

Geeder grandh 8:1 Hamar Prabhu Yehova ,thar Naam saari dharthima kathraiko Prabhavamethi cha. Thar Mahimana asmaner vumper dekalochi.

Daveed maharajer  jeevanema masaj yudhavun jeethocha,vundema masaj rajyamevun vo rajyamema chajako sundarethi bhadamelejako rajer kotavun vo kotavuma vethijako rajer kiritavuna ajji sono rupo sejini vor sonth karlidotho. Jethi vor naam masaj rajyamema phelagi. Ajji kathra jada dhanasampathi karmelothoch dekotho.

Daveed kathra moto vothoi vu vor jeevanema Prabhur namenaj hanu sthuthi karan vuncho pado, Hamar Prabhu Yehova ,thar Naam saari dharthima kathraiko Prabhavamethi cha. Thar Mahimana asmaner vumper dekalochi.

Thar mahima vu Prabhuthi balamelochi jethi paldochi. Vor naam thon padmelocha kankrenkatho Prabhuthi thu yek kararen karmelochi jethij. 2 Dinvruthanther grandh 7:14 vachanema vu namer sunnithathvamen samalla ” Mar jann  Mar Naamethi balamangamelejako  ” kan kacha.

Yek chori  vu massaj gareebpanema rathoi von ajjek savukar vaaya karlino katho ajji vo savukarer Naam vu thandrin dagaryavacha. Jannathi vu thandri kunas kagadepar santhakam ghalathoi vor gharevaler namethi jodan ghalacha jethi vor parapathi ann hoda jada dikavacha.

Vu thandrin vor savukarer dhanithij athra jada namen paldich katho ajji thu Prabhur namethi balamelatho kathra jada mahimaro naam thon maliya dekla. Jethi vachan kacha Gener vath 18:10 vachanema Yehovar naam jorer ghad khila ,niyathedhar voma dhasan jaan jathan vacha.

Yesu bapu vor chelavun Mar namen than valdo kan vinathi kido, Yohan 14:13 Tham Maar namema kai puchathoi Baap betama mahima vena vona karuchu.

Yohan 16:23 vu dadema Mardai tham kaithoi puchoni ,saasij sasij thamen kerochu,tham Mar namethi Baper dai puchlajako kaiko, vona thamen dacha.

Philippivaluna 2:10-11 Yesur Namema swargeran ,dharthiran ,jammir heta chajer  heryek godi Yesur Namema valenan, Baap Devena mahima venan , Yesu Christhu Prabhu kan heryek jeeb prakat karena ,sey namethini vumparer Namena Vona dedino. Colossivalun 3:1-2 Tham Christhu sath jeevevatho ,Christhu Dever jaman pakthima betojer vumparer dhundo . Dharthiparer koni vupareparaj thamar mann melo.

Ajji jada dyan karen pado Yohan 16:24 Abbethani tham Mar naamema kai puchekoni,pucho jana thamar khushi bhurpur vena palocho.