May 07 – Jznjzn Bangsa Ahiman!

“E GAMANGtung, GAMANGtung-len, ahim-Nam barij ordar lingan yan a gugudam! Gugu panemeng-Nam riangan a langka Aman tabngijle” (Sanenken 8:1).

Kan ordar-lingan a mandrengna, Raja Daudo sanu-lingan ateng jinole bar ateng gugudage abaran abmele do jznjzn bangsa ranubaban abmele sakki tiyle. Anin pedde gamangtebih, bo surda darakuna do bittin hangte badih.

Bindo kan kudduban saring anin Kitungan ahiman abgugule, boiboi bangsa do jznjzndam. Man’oihan batte abgugule gameten: “E Gamangtung, Yan abangsa ahim-Nam kan ordar-lingan”.

Anappemengben gamlenden Kitungan ahiman batte ganudingan ahangle. Ahiman d’onglen taniyan dele, iten asan gamlenden Gamangtungan anlen ampara adakun asan. Kan abmele tiyj’enaba, angante Gamangtungan gudingaiten “Mandra-Henji butente ahim-hen batte ganudingan dele” (2 Birinda 7:14).

Bo inslon banagedam do er galamdam. Bindo bo surda gamang maran sidrungneten, ahiman kun inslon a d’ong taniyan dele. Do angante-janang anin sontokole, ahiman batte a tanongban ajattihiman maile sontokole – kun batte anin panemengan do bo tabme hadab gamle hangle.

Angante apanemengan do aganijtan bandalen kun inslobojan amang saring, a tanongban ahiman batte, ogandile gijba amben janang yangam bangsale ahiman ahangte Kitungan ahiman sanle! Bibolan gamte: “GAMANGtungan ahiman radu kantisingan ambrij; roitad maran kotten ganan ganle erabmuij dakutę” (Bangsa Hanang 18:10).

Tabme Anosai-lingan, Jisun ahiman ahanangna maranji handramleji. Jisun gamle: “Bar yante gamle a Onan amang lingan Uan ganugu panemengan dete, kun asan itente itente amben ahim-ling-Hen a garberte, antate Hen’ lumtai” (Jon 14:13).

“Bar anta dinna lingan amben iteja adnualih. Jarditen gamle Hen opungtaben, ahim-ling-Hen itente itente U’an a d’ong a garte, antate Anin tiytaben” (Jon 16:23). “Yante gamle mang lingan, ordar lingan do ordaran a jaitan a dakulen a dile mandardi Jisun ahim lingan a turdumben dete na, do Ua Kitungan a ganugu panemengan apsele, Jisu Kristu Gamangtungan na gamle dile l’angan abpengbaben dete na” (Pilipi 2:10-11).

Tanahimdam Kitungan a onagji, mandrengna-lingben a saiben dete itente bangsa jznjzndam ahangben asan. “Anten asan bogad amben Kristun ampara anabdznan delenden, uante Kitungan a jandrumsengban Kristun a gobgob daku, ‘tetten itente a janabanji daku, antate saijba. Itente ordar lingan daku, kuni a Janabanji ijja, bindo Ianangkaban a dakulen a janabanji abmele maih magadnaba” (Kolosi 3:1-2).

Okiy Kinolbe absele: “Namintan sikkoi ja amben ahim-ling-Hen iteja aggarad. Yante gamle man’oih-ben barijdam dete, anten asan garba, etteden amben a hangte” (Jon 16:24).