May 06 – GHANO SRESHTER HASSO

Hebrivalun 11:34-35Ma bhandojana tham marvadi hayi kidejakonaj konipan ,swargema ghano sreshtan ,shaswithero hasso thamena chakan malam karan ,thamar dhanneni khushithi lutena choddhine. Jethi ghano phal paler thamar himmathena chodeniju revo.

Apaner Prabhu apanen ghano sreshtavada swasthyamen ann hassona devalocha.  Swasthyamer vadi sos karatho vu swathanthra bagey reda chodalen jayer bagey koni vathey karrijako. Pan yee vath yadi baper vadithi kaman chonaken jamelejako gharer vadin asthir vadi malam karacha ,katho apaner asthi reda ghar reda vu asmanema cha.

Abraham sada Prabhur vatema chalo jethi Sogan khan dinojako Canaanen vona ann vor khandanen asthir nai ann swasthyamer nai denako. 4000 Hajarer dadethi jadaj vegithoi ajethanu vu jagemaj anandethi vasarecha

Asal  Prabhu apanen kassek swasthyamen denu kerocha? katho  asmanema Jesu Christhuthi bhalan vor pakthimaj maharajer gharema vasacha. Vu Baper  Rajyamema masaj maha Rajer gharevo cha atho vo seji thon deni pan yekkaj gharen thar vasu bhandrocha. Yee gharethi jada tharsaru kiritavo sada Prabhu melmelocha. Vundema Jeevaner kirita, Mahimar kirita , jeethajen der haalvenijako kirita. Kunvatho jeethan jayamer jeevanen banchachko vunden yee kiritan palacha. Lapan thodsek admivo vunder loker asar laar jathanu yee srestavada swasthyamen gamalerecha.

Apostle Paul Yeej hall venijakonan hamesha rer vu asmaner kiritar vumparaj nazar mellen Kannai hanu Deven stuthi kidokan Colassivalun 1:12-13 vachanema dekacha, Vajalema pavithar valer  hassoma vento lena apanena chajeval kidojenan , andharer hakkamethi apanen chodan ,vor premer Betar Rajyama bhelojako ,Bapen stuthi karacha.

Mar premer Dever betavo yee loker asama halajavanaju Dever swasthyamer nai Prabhu dajako vu sreshtavada hassodhar venu kan thar nazar vo vumparaj reakalden bancha.

Ajji jada dyan karen pado Ephesivalun 1:11,12 Aanga Christhuma bharosethi rajako ham Vor khathrer soser nai solina chalavajako Voro niyamer nai ham angaj malamven , Christhuma Vor variser vena talaal decha.