May 04 – Jznjzn Bangsa Ruang Desan!

“Bindo a jardin na aninji anta desan saring bo jznjzn bangsa desan, manan, ruang desan a hangben itsumteji. Kun asan, ‘Hen aninji a Kitungan na,’ gamle Kitungan anindi abmele aggaroija-ad. Iten asan gamlenden Anin aninji apsele bo gardan oskaile sabjaeten” (Ebri 11:16).

Ordar a desanji daku do kun saring ruangan a desan boi boi bangsadam. Ordardage a raajaman daku do erhidan gugudage ruang rajaman janang daku. ganijgijben dile ayam gugudage do erahidan adarakunaban adakunaben saite!

Nami Kitungan Abram a d’ong gamle: “Amandam a s’ing maranji do desa-nam bar u’a-nam bar u’a-nam a s’ingan omda-an omdale, Hen ayengan desan d’ong-nam apsuitam, kun a desaban year” (Aparamangta 12:1). Kanani darakuna, Kitungan a janibjiban a desa, bo bangsadaman a desa. Janibjib desan barij barund do barij ganungan do adungte arduban do adangan a desa.

Abraam ordardage a desa orde darakuna adgijad. Anin gijle gugudage ajanibjiban a desa. “Dernan batte anin lukamarge anta sanibdai desa lingan dakunecen. Anten a sarigoi sanibdai turdu…..; Iten asan gamlenden ganaijitalan a dakulen abo gardan apsele anin omde-eten. Ants gardan a gutul mar do sabja maran Kitungan na” (Ebri 11:9-10).

Ayam-linganji Abraam, Isak do Jakub, erahidan a desan saring aninji sagaidam dakuleji. Bindo ayaman bandalen, atanakudban ardulaibe, do erahidan a desa adamdam daku. Kitungan adayerna do ruang rajaman janang tuyale. Kan ayam anlen Jon atiyle a hanangan batte tabubdan a hanangna maranji, gamle: “Abyer-j’enaba, iten asan gamlenden ruang rajaman tuayale!

Butente amadanji ruang rajamba sengsengle daku barij a j’enji batte, kan ordar-lingan amangji iteja danukkan adakue. Bibolan gamte: “Iten asan gamlenden anlen mangan a parjanji na, do tette saring Ablu Mar Gamangtung Jisu Kristun a daiyaman abmele anlen omdetabe” (Pilipi 3:20).

Kun asan, barij surpiddamnan batte ruangan abmele tiy-j’enaba. Angante Abraam tanalmadan gijle erahidan a desa abmele, kundradage do bo bigarda desa-mar ambrij dakulen kan ordar-lingan. iyir desa mar ambrij tambu s’ing-lingan basule, do a d’ongdaman surpidle erahidan a rajaman saile.

Tanahimdam Kitungan a onagji, ordardage a janablingan atiydamdongne. J’e-ben biti-lingan, hangdrang-lingan atiydamdongne. Amben aboi iyer desamar ambrij a dakunaben dete. iten alumben dete manaridan do madriddamlen ruang rajaman erahidan adarakuna ahangben asan.

Okiy Kinolbe absele: “Bar ruangan saring dungle Kitungan amang saring a latsoberra marid gardan, tabme Jirusalem hen gijlai, antate a tanongban apsele tancltol delen a sidrungboijan ambrij anoskaian dele” (Anapunggi 21:2).