May 03 – ATHOIBA IRATPOT!

“Thajabagi mapanna Abelna Caindagi henna athoiba iratpot katkhi. Madugi mapanan mahak dharamchenbagi sakhi adu phangkhi.”  (Hebrews 11:4)

Maramdi Abelgi iratpot adu Iswargi mangda lousinba yaba amadi apenba oibagi maramna mahakna dharamchenbagi sakhi adu phangjakhi. Madugi athoiba iratpot adugi maramna mahak houjikphao  wangna thagattuna leiri.

Cain amadi Abel makhoi anidu Adamgi macha ngaktani. Caina lou uba mi ni aduga Abelna yaosenba mini. Makhoi animakna Prabbhugi maphamda iratpot katningkhi,aduga makhoina anina ngamjaba thakta iratpot adu purakkhi. Makhoi anigi iratpot amadu Iswarna athoiba oina lousinduna penkhi adubu amadudi pamkhide. Madugi maramda nahakna yengba matamda Iswar asi michang mikha naiba oina uramgani.

Adubu eikhoina kupna yengsinba matamda Abelgi thajaba adugi mapanna Iswarna mahakki iratpot adu lousinkhibani haiba du khanglakkani. Mahakki thajaba  adu thabak oina pangthoktuna leibagi maramna mahakna  Iswar penhanba iratpot adu karamba oigani haiba adu khangba ngamkhi aduga mahakna madumak tousu toukhi. Nahaknasu iratpot katpa matamda khwaidagi phajaba adu kanaba hotnou, aduna  Iswarbu penhangani. Thajaba gi mapanna khwaigi phajaba iratpot adu Iswarda katlu.

Sastrana  hai, “adubu thajaba yaodana Iswarbu penhanba ngamloi, maramdi Iswarda lakchariba mi aduna mahak lei haiba thajagadabani,aduga mahakpu pukning changna  thijaba misingbu mana pibani haiba khanggadabani.” (Hebrews 11:6).

Iswargi aningba adu karino haiba thiba khak natana Abelna karibu katlabadi Iswarbu pengadara haibasisu mahakna kanna hotnakhi. Mahakna Iswarbu penhannaba kanna hotnabagi mapanna mahakna achouba phongdokpiba ama phangjakhi. Mahakna maichou amagi maongda Jesubu Iswargi yao ama oina taibang pangi damakta masana masbu pithokkani haiba du mahak urakkhi. Abelna thajabagi mitki mapanna masigi mayam asi uba phangjakhi. Aduna mahakna yao macha adu iratpot oina katchakhi. Aduga Prabhu adu maduna yamna penkhi.

Anouba warepnaba matamda nahakna athoiba iratpot amasi Iswarda katkadaba ama leibani. Madugi maramda sastrana hairibasi nahakna ngak-u. “nahakki hakchang adu ahingba Iratpot oina katthok-u. madu Iswarna lousinba pambani aduga    achumba khurumadusu ni.” (Romans 12:1).

Dhyan tougadaba, “Iswarda katkadaba  iratpotti kairaba thamoi aduni,kairaba thamoi aduga pukning hongba thamoini,masi Iswarna laithokloi.” (Psalm 51:17).