May 01 – IKAIKHUMNABADA MATIK CHABA!

“Ikaikhumnabagi mamangda nollukpa oibani” (Proverbs 15:33)

Mina ikaikhumnaba misak ama oibadu nahakna pambra? Natraga icham chamba pham paibadagi henna achouba pham paiba luchingba ama oiningbra? Adu oirabadi nahakna nasabu nollukpagi khwangjet laksinba tabani. Nollukpa khaktana ikaikhumnaba adu purakkani.

Imung amada nungainadaba thoudok ama thokpada eikhoina ama amaga yanaraga chamthoknaba thabak kaya tougande. Madugi mahutta migi mot yengdaduna eikhoina mi adugi asoiba khitang puthoktuna chaothok hannaba hotnei. Asum touraga madugiu problemsing aduna chaothoktuna imung adugi ingthaba adu mangsillak-i. makhoigi marakta kanagumba amana nollukpa matou utlamlabadi madugi khatnaba cheinaba adu thoklamloidabani aduga ingthaba adu manglamloidabani

Kanagumba misingna atoppa misingda nollukpa matou utpa haibasi ikainingaini aduga mina hanthana khanduna ijat mangningaini haiduna touningde. Adubu Sastrana adumna di haide. Nollukpa mising amadi makhoibu ikaikhumnaba phanggani haiba adugi maramda sastrana kari hai eikhoina yengminnasei.:

-“ Pukning nemna leiriba misingbu Prabhuna yengduna haraojabani” (Psalm 138:6)

-“aduna masigumba angang amagumna nollukchaba misingdu swarga leibakta khwaidagi achouba oigani” (Mathew 18:4)

-“masana masabu nollukchaba misingbu chaohangani.” (Luke 14:11)

-“nollukpa misingda  Iswarna thoujal pibibani.” (James 4:6)

Matam amada lainingchetpa nipa amasi laoubukta phaoduna lakkkhi madugi labukta mana masing houriba  sing adu thak thakta chaokhatlaklibani. Mahakna nouriba mana masing aduna chumna houriba adu ukhi. Mapung phraba lolpa  yabagi changda leiraba mana masing sing aduna nollukna nontharaga leibadu ukhi. Makhoina mahei yamna yanduna leiba  tarabasu makhoina napan toudaduna nontharaga leiba adu ukhi.  Madu ubada mahak yamna haraokhi. Ikhoibu ikaikhumnaba pham da leiba matamda eikhoina karamna nollukchaba matou utkadabano haibadi para adu mahakna madugi numit aduda tamjakhi.

Iswargi manasing kanagumbadi Iswarna mahakpu Thawaigi khudol piba  amadi Iswargi thougan yamna sijinnaba matamda atoppa singbu hanthana yengduna lei aduga napan kaduna lei. Masi thokliba gi maramdi makhoina Prabhu Jesugi maphamdagi nollukpa tamdabagini. Jesuna karamba thakta kaya matik nollukchahibano? Sastrana hai, “mahak mioibagi saktam loudunam masana masabu nollukchakhi,aduga mahak siba phaoba haiba inba oikhi,siba phaoba haiba inkhi.” (Philippians 2:8).

Ipa Iswarna asumna wahang hangba matamda, “eina kanabu thagani” eikhoigi Prabhu Jesuna nollukchaduna Mapagi aningbada  pisinjakhi. Aduga Jesuna hairammi, “yengbu ei lakchari. Lairik aduda eigi maramda eeduna leibani. O Iswar, nahakki aningba tounaba.” (Hebrews 10:7). Masana masabu nollukchaduna haiba inkhi aduga mahakki eerik aroiba phao sinthakhi. Iswargi machhasing mahakki khuyada phamle hairaga nollukchaba tammu. Matam leiba khibikta Iswar amadi mioibagi mityengda nollukchou.

Dhyan tougadaba, “ mananupi adugi macha eihakki tontha leiriba phibam asi mahakna khanbiri. Aduga mahakna nollukpa misingbu wangna thanggatle.” (Luke 1:48,52)