May 01 – Ganugun!

“bar lanagadan ganugun a mukkaban dakute” (Bangsa Hanang 15:33).

Mandrengna-lingben anabgugun sanaisai po? Orde bo surda dane mar a deben orde abhanamar adeben, eteden lagaddaman dakupo? Eteden ambendaman lagaddamlen adakuten. Lanagadan battena ganugun a hangte.

Agajanangden er ganaludan dakute birinda-lingan, kan ambrij anlen a bigardanaben abmele anogandin pangtabe. Runkkulen erdakulenben, bo sanna berna asan. Jajingante a kanalkalanji batte birinda-lingan kanalkalan yirtai. Bogad bo mandra kan ambrij lumlenden, bigardanji amanglen, ateng kanalkalanji sagaite pedde do sanabyun deteben.

Ateng mandranji oganditeji bigardanji alumtenji a bara ganaroijdage, do bo surda baran ganabdelan dete. kan ate aboi bibolan saring dele. Anlen daman kilkilnaben dete iten gamte bibolan ganagadan abmele do anabgugun dete ayengan amandranji lagaddamtenji:

-“Gamangtungan boiboi langkadam dele janang oseng maranji apsele asuyemgijte” (Sanenken 138:6).

-“Anten asan butente kan a sanna passijan ambrij lagaddamten, anin ruang rajam lingan murdadam na” (Mattiu 18:4).

-“butente abjaitadamten anin ganugun hangte” (Luk 14:11).

-“Kitungan, labaddi maranji a d’ong Anin asuyeman tiyte” (Jakuban 4:6).

Bo dinna bo mandran saroban saring yireten, jandrumanji batten tambigarda-godan sanle. Anin gijle bo radu jandruman tanangle daku. anin ogandile kun ajandruman agadben abmele tungnadam orde itja gamle, lagaddamlen daku, labyu-bablen daku. delejanang, ateng j’ole kun a jandruman, erkinsalenben, bindo labyu-bablen. Angante kan ambrij gijle, a j’e-lingan m’oihle. Kan ambrij a lagaddamna aninhanglen kun ayam-lingan anabgugun dele.

Jajinganti ayamlen angante Kitungan a mandranji Jangardan a taniytiyan batte yirtaji, orde bogad Kitungan a baraling hanamdraman dete, aninji bigardaji a d’ong gijgijteji, do kinsan batte. Aninji lagaddaman apsele Jisu Kristun amang saring a hangnaben dete. iten ambrij dakule Jisu Kristun a lagaddamana? Bibolan gamte: “Bar Anin mandradage abg’ittalen. Tagad labaddidamlen, karahidan, u u arakaddang lingan a karahidan sikkoi a manne-eten” (Pilipi 2:8).

Angante U’an Kitungan anualan amdangle: “Buten a d’ong appaih? Do buten yirte anlen abmele?”, Kitunglen Jisun Kristun lagaddamlen tiydamneten U’an aitsum alumben abmele. “Jisun gamle, “Seletten. Hen gamlai, gija, E Kitung, itsum Nam a manneben asan‘ Hen yertai, gamle kambolan , a‘ aneded ol lirigan Hen abmele anidan daku” (Ebri 10:7). Anin lagaddamlen do manile, a mihaman alaben asan, anlen abmele. Tanahimdam Kitungan a onagji, amben amangba goble lagaddaman abmele hangnaben dete. dile ayam Kitungan do mandran amangba lagaddamnaba.

Okiy Kinolbe absele: “Iten asan gamlenden Anin a boanta boijan a banaggegodan asuyeman batte gijeten. Anin dane maranji a d’ong raja-garobgoban saring ablatsoeten do banagge maranji a d’ong abgugueten” (Luk 1:48, 52).