Apr 30 – Anin Daina Tiylangten!

“Seletten Kitungan Mojes a d’ong gameten, Hen Butente Daku, antate Hen na Daku. Bar Anin gameten, Ettegoi na aman Israel maranji a d’ong gama, Hen Daku, gamle Anin d’ong-hen mangba-ben appai-ihten” (Hanagod 3:14).

Israel-maranji boantan s’ing-lingan dakuleji unji soa do bokurdi-galji mihnum sikoija, itenja jananban a s’i-linganji adakuad. Do aninji amangji ranaptin janang adakuad orde Paron asanu-maranji ampara asanunaben asan. Aninji boi boi kalkal lingan dakuleji, aninji misor-maranji alangkalen iteja lumle adraptiadji. Aninji daina-lingan dakulen er daina abmele ogandile dakulenji.

Bo maneng saring, Paron a mangan bo surda sanu umpun do ateng bano maranji appai-berleji. Kun Israelanji adnogandiadji aninji abmele, orde sanuaben abmele. Bindo Kitungan a d’onganji anabdainan tiyle. U’u, kun ate aboi ajodlenji amihaman atena, kun batte a d’onganji anumdrengan dele Misor saring.

Kunina batte bagu surda baran dele. Anab-boi-lingan, kun batte kuddub Israel a birindanji ablule. Anabs’id-maran iteja a s’ing-lingan adganad, kun amihaman asan itente aninji jodleji. Kun ayam-ling, kuddub s’ing-maranji, buten buten adjodadji mihaman, kuddubanji s’indleji. Ajardina, murkundardangan aa mihaman d’onglen sattang adrabe bind obo surda samana ambrij sanuten asaangem-marleji amangba.

“Iten asan gamionden sanu-len a handramanji d’ongdage ted, bindo ranrandam kantinji abrardaibcn asan Kitungan batte antate boiboi ranapLidam” (2 Koronti 10:4). Bibolan gamte: “Aninji a On Murkundar’dan a mihaman batte do a sakkiberdamanji batte anin a d’ong abladnale dailenji, do karahjdan sikkoi ja aninji a pwrardan adtimyimadji” (Anapungge 12:11).

S’iben hamle, Jisun Kristun amihaman batte, itete kalobori a baru-lingan saring lale. Bar mihaman batte urdale, togi ambrij asangem-marlenji amangba, gamle: ‘Daina Jisun amiham-lingan daku’. Bar d’ongben janang anumdrengan dete boantan-s’ingan saring, do er maridan saring anabdaina ahangte. Do Kitungan abradute berna do ranaptin, kun batte buteja tanangle adrabtie.

Israel maranji misor saring sattang anumdrengan adead boantan-s’inglingante, bindo aninji misoranji a d’ong abs’idele man’oihan batte, ranan saring, rupan saring do sindrin saaring. Boantan-singan saring unji soa bokurdi-galji mihnum sikoija, bo dinna lingan dele, kun a mihaman batte. Jisun kuddub ranaptidam do kuddub pintunji saring anumdrengan, do boantanji saring, bo surda a mihaman batte. Amen!

Okiy Kinolbe absele: “Anin a tam bittidage asuyoman ambrij anlen anta tanimylm Mar lmgan Anin a mihaman batte tanandm manan, danusan a tanabmadan hanglabe” (Episi 1:7).