Apr 29 – Kuribi anurodh!

Ephesians 6:18-19 kuribi prathana hodai din anurodh loi kene atma te, sai kene ses tok mon di kene aru anurodh kuri kene sob isor laga naukar khan karone aru ami karone.

Chela paul pora nijor ke nomro kure aru anurodh kore eohesian girja ke tai karone prathana kuribole aru tai nimite anurodh kuribole isor laga agete. Tai prathana kuribo le koi ki tai kotha kobole dibole, tai laga mukh tagot pora khulibole aru janai dibole itu bhal kotha pobitro kitab laga.

Prathana hi apuni laga jibon laga saas ase,a ru apuni laga dhadkan. Itu karone apuni prathana kuribo lage. Prathana tu zaroori ase apuni pobitro thakibole aru ekta jitya laga jibon thakibole. Prathana tu ekta mauka ru ashirbad bi ase. Prathana kura laga homoi te, apuni khushi hoi isor laga sundor mon dikhibole jun pora apuni ke iman morom kure. Khushi kuribi khushi te ki isor apuni laga baba ase. Aru kitya bi prathana kuribole bahana nathakibi

Duita kisim laga kam ase biswasi sob khan kaorne. Poila tai khan prathana kuribo lage. Dusra tai khan prathana kura sipahi khara kurabo lage jun khan tai khan karone prathana kuribo. Jun khan prathna kura laga sipahi ase tfai khan logote tai khan hodai hi ashirbad ase. Pobitro ktoha te koi: ecclesiastes 4:9-10 duita tu ekta pora bhal ase, kile koile tai khan laga kaam nimite daam bi ase. Kilekoile tai khan girile, ekjon pora uthabo sathi hoi kene. Hoilebi dukh ase taikhan girile jun khan ekla ase,  kile koile tai khan kun bi nai tai khan ke uthabole.

Chela paul pora janishe zaroorat tu isor laga manu ke jun khan prathana kuribo tai karone. Tai nommro nijor ke kuri kene anurodh kurishe  Ephesus laga Biswasi khan ke prathana kuribole aru tai nimite anurodh kuribole. Apuni khan bi prathana kura laga sipahi khanke apuni nimite prathan kuribole kobo lage. Apuni bi nijor karone prathana kuribo lagae

Bishi Biswasi laga galti itu ase ki tai khan daan tu isor laga naukar khan ke diye, aru tai khan karone prathana kuri bole koi, hoilebi nijor kityabi prathana nakure. Tai khan nior karone kitya bi bhal pora prathana nakhure ghutna te ahi kene tai khanmanu laga prathana ke hi nirbhar kure.

Pobitro kotha te koi ami khan ke nijor laga bhar nije hi uthabole lage krista laga niom ke pura kuribole. Ami khan ek jon dusra jon karone prathana kuribo lage aru anurodh kuribo lage. Jitya ekta manu bhagor lagi jai nahoile bi Biswas harai ase, alag khan thik pora tfai laga Biswas nimite prathana kuribo lage tai ke Biswas te khara kuribole nimite. Itu hi krista laga niom ase. Iso rlaga bacha khan, apuni khan prathana laga sipahi nishina thakibo lage aru ekjo pora dusra jon ke utsah dibo lage.

Aji bhabna kuribole laga pobitro kothr tu hoile:romans 15:30 itya moi apuni ke binti kuri ase, bhai, isor jisu krista pora hi, aru pobitro atma laga morom pora hi, ki jhuji bo iki logote prathana te isor ke ami karone