Apr 26 – Buten a d’ong Amben a Sente?!

“Buteja bogad bokurdi-galji dinnan sikkoi ja gugu rajan sadan sadle bzgarda kitungan a dong orde mandran amangban garberrenden, anin a d’ong singokidan a lungar lingan panidpidan de-ete” (Daniel 6:7)

Kan ordar-lingan anlen daku, ateng mandranji daku buten a d’ong a senkendraben dete gamle. Aninji bigardanji abmele lebun korsoteji mandranji saring anabgugun ahangben asan.

Ateng netanji a sanandung maranji gule gamle abguguteji, do kani kuni gamle abdainale guteji. Aninji a nogandinji ateng mandranji ampara abgugule endungeteji gamle anogandinji dakute. Kun amben aninji ateng lebun korsoteji asanandung-maranji abmele

Anlen janang gijtabe ateng netanji abmele, aninji gadlamteji aninji aboi surda-maran gamle, gugumar, sanayam-mar do kani kuni gamle. Asanandung-maranji abmele janang galamtabe kani kuni abaran alumtenji abmele.

Bindo Kitungan amandranji, kan ambrij abara-lingan adganaji janolda-lingan. Aninji galam yan ambrij a baran kan ate, do erahidan amandrengna abmele kan sanaisaited. Kan kuddub-lingan er hangdradageted anabgugun alumtaben batte. Ateng asan, Kitungan a mandranji, er hangdrangdage anabgugun adsajeji. Bibolan gadlamlangten butente anindaman anabgugun abmele saaite, anabgugunji ganaroi-lingan bandate Kitungan (Osea 4:7).

Itente hangdrangdage panemeng-lingan do sanensen-lingan? buten a d’ong anlen abgugutabe? Daniel ayam-lingan, murtin gabdile kun a murtiban turdumle alimsenben dete gamleji, kun abmele Daniel itjaja anogandiead. “Angante kan anidol-ol lingan rajan anin ahiman idoleten, gamle Daniel amdangeten, seletten anin a s’ingdamban yereten, do uante anin a langka akulsing lingan a kintalsangan a ranzn, Jirusalem a s’eng dakule, tetten anin abmang ambrij engale lumeten, ettele bo dinna lingan yagi tara turdumjenglen garbereten do anin a Kitungan a d’ong seneten” (Daniel 6:10). Amben janang Daniel ambrij a bpemengben dete. angante Daniel kanalkal-lingan dakule, do s’io-kidan asinglen panidan dele, Kitungan s’iokidanji a t’odan abringnale, do a d’ong ajumben abmele anordin adtiad.

Tanahimdam Kitungan a onagji, itedeleja kanalkalben, mandran a d’ong mandran ambrij gijba. Jolda anabguguba ayirdong, do bigardanji janang mandran ambrij gijbenteji. Kitungan a d’ong senba barij j’en batte. Kitungan sattang ahangte panemengan do sanensenan.

Okiy Kinolbe absele: “Bar anin Daniel adamban lungaran sarrangan gudingle a dakulen a iyle, edana batte Daniel a dong gameten, E Am’eng Kitungan a boanta Daniel, aman ayengan a Kitungan a d’ong tordong gangkilte, Anin kun singokidanji amang saring d’ong-nam abluben asan raptiamten po?” (Daniel 6:20)