Apr 15 – Bhera jun pora tai laga mukh khulanai!

John 19:17 aru tai, bhugishe krus ke, ulai kene jaishe kankal thaka laga jag ate, juntu ke Hebrew kotha te Golgotha mate.

Judi khali ekdin ase, junntu sobse zaroori din ase itu prithibi laga, jun din krista kruste uthishe. Aru utu din hi isor laga dangor daan ke dikhai, tai laga khotom nahua morom aru khemai diya isor ke, ji ke ami khan good Friday koi. Kile koile pura prithibi paishe bhal saman khan, pap pora mukti aru aru satan laga tagot pora bachai diya , ami khan itu ke good Friday ke.

Jitya ami khan bhabna kure sob dukh khan aru digdar khan krista laga kruste paa nishina, ami khan laga suku kandi bole ulai, itu ke najani kene bi. Aru ami khan bhorta hoi mon dukh pora aru ami khan laga mon bhari hoi jai. Itu karon ami khan itu laga din ke mon dukh laga din bi mate.

Itu din ane ami khan ke yaad kuribole utu danghor morom, daan aru dhoyjyo ami khan karone isor pora thaka tu. Ami khan, isor laga bacha khan karone, itu din ase yaad kuribole ami khan mukti paa, aru pap pora bachai diya laga anondo, juntu krista pora ami khan ke dishe tai laga dutk aru krust te muri kene. Aru itu homoi te, itu bishi zaroori ase ki apuni khan nijor ke dibole tai laga kam karone, ji karone tai iman dangor daan dishe, ami khan laga jibon ke bhorta kuribole.

Isor jisu pura dishe tai nijor ke isor laga icha te. Tai icha kurishe isor laga icha hi tai laga jibon ke bhorta kuribole, aru nijor laga icha nahoi. Pobitro kotha te, ami khan tai ke koa dikhi pai: “ki ami nakhabo ami laga baba laga cup pora?” itu karone jitya tai krus ke loi thakishe, jaishe Golgotha te, jitu kankal laga rajyo koi, tai nijor laga mukh khulanai, jinika bhera khan ke bali diya homoi te thake. Isaiah 53:7 “taike dabaishe aru tai dukh paishe, hoilebi tai mukh khulanai; taike ekta bhera ke katibole loi ja nishina loi jaishe, aru jinika bhera khan chup thake, aru tai mukh khulanai.”

Judi apuni nijor ke diye isor laga icha kuribole apuni laga jibon te, toh apuni bi ekta khotom nahua laga jibon pabo. Pobitro kotha pora sapha pora koi: nahoi sob jun ami ke koi: isor, isor, ghushibo swrag laga rajyo te, hoilebi tai jun hi swrag te thaka baba laga icha te thake.

Isor laga bacha khan, kotha dibi nijor ke isor ke morom kuribole nimite, jun hi dishe nijor laga jibon kruste, apuni laga atma baha bole nimite. Hobole dibi utu calvary laga morom apuni ke raj kuribole. Aru nijor ke kotha dibi ki apuni nijor laga jibon ke jisu laga icha hobole dibo.

Aji bhabna kuribole laga pobitro kotha tu hoile 1 peter 2:21 itu karone apuni ke matishe, kile koile krista bi dukh bhugishe ami khan karone, ami khan ke ekta hikai di kene, ki apuni khan bi itu kadam lobule.