Apr 07 – STUTHIR LATHA

Yeshaya 61:3Siyonema rorejakonen anander latha perayena , raker badal phuler malena, dhukamer badal anander thelena,bhoja padmelejako athmana sthuthiro lathana vunden desaru Prabhu manna melmelocha.

Thu dukhama rero Deven khushi lageni. Vu Dev thona anander thelethi bharnaknu kelerocha. Dev thar athma badhama renu kan keleni. Vu thona Athmar anandethin, stuthir lathan peran khushi padchavacha kacha. Vu asmanema jayevalesaruj thayar karmelajako lathar nai thu sada Deven stuthi karen stuthir lathan perlenu lagacha.

Apan padejako agediyar vachaner prakar bharo padmelejako athma kajako vathen dekacha. Thodsek admi dusarethi badha padatho ajji dusar vunden voj badha padukaracha. Thodsek manikyan sevakarevaler vadi yeersha mellen vunder gharema haddu melnakacha. Ajji thodsek vunder sambandhavuper thatta karan vundethi cheti renu kelacha. Athra kankren yekkaj gharema dhaniran gonnir vacha khato ren banchukaracha. Yadibapethi ann beptar vacha ladai chalan vundema yeken yek cheti rethanu yekle yeklej banchukaracha.

Yekdad More vor meeti meeti geedethi sari adabinaj khushi karathithi jako vu rath bolanaju gachab vethi.

Jana yek girli athanu vo Moren hanu puchi thu kankren bolanaju gachab chi. Thona malamka thu meetjarak chajako thar ghogen samalan sojavnu kan sari adabij ghasan dekrich.

Vo vathen vu More hanu ki thon bek bek kan barkarejako vo mitkivur daal ann kaal kidikidar avaaj samalrikonik gachab jaan sojojo ken kitho.

Vu gorli pharan ajjek haptha Moren samadhan dino , haav vosey thu bolrikonthikan vunder ghogen bharkadrech yekhaptha thu boli katho ajji sey gachab rejavacha kan kitho, janna vu More vor badhan bhulan geeden bolitho sari adabij chupchap vegi.

Aaj thu Deven stuthi karanaju kankren thu bharo padmelojako athmathi chi? Dev thon prem karrocha ajji kuni thon prem karrechko koniko? ajji kunithoi yee jagema thon prem karanathoi Yesu Dev thona prem karrocha. Athra jada dayadikevalo Prabhuna thu geeden bolan stuthi karesnika?

Mar premevalavo aaj thar jeevanema khamer hathayenijathra jada vela bhavetima thu jarochi kaiko ? lapan ajaj thu Deven stuthi karen shuru kidochikatho thavdo marajanna andharo dagarjavaju thar kaklothi seji dagarjavacha kan herdemella. Jethi thu geedey bolan anandethi Deven sthuthi kar.