Apr 07 – Kapra laga mahima!

Isaiah 61:3 tai khan ke morom kuribole jun khan mon dukh kore zion te, dibole tai khan ke sundor laga chay, tel anondo laga mondukh kora karone, kapra mahima laga atma bhari khan karone.

Itu isor ke khushi nakure ki apuni mon dukh kori thaka tu. Tai apuni khan ke bhorta kuri dibole mon anondo laga tel logote. Tai itu bhal nalage ki apuni laga atma dabi ken ease. Tai bhorta kore apuni ke anondo laga atma logote,a ru kapra mahima laga diye. Jinika alag kapra ami khan spare te jaa manu khan ke diye, itu zaroori ase ki apuni bi ekta khas kapra lagabole lage isor ke lok kora homoi te, tai ke mahima kuribole aru sheva kuribole.

Aji laga  verse tea mi khan pore atma bhari thaka laga nahoilebi mon biya thaka laga. Kunba khan ke manu pora dabai kene rakhe aru kunuba khan tu nijor hi dabi kene thake. Kunba khan tu pastor khan ke gussa kore aru ghor te hi thaki jai. Kunba khan tu hodai din hi khandan khan ke bodnam diye aru tai khan logote miljul nakure. Aru nior laga porivaar te bi, mon tita thake maiki mota laga majote bi, aru ama baba aru bacha khan majote,a ru inika hi tai khan nijor lag arista aru miljul kom kuri kene ekla thaki jai.

Ekbar ekta nightingle tai laga ghor te thakishe gana nakuri kene. Ekta saguli nicete ahi kene koishe : “kile apuni aji toh gana nakure? Apuni jane ki pura jongol apuni laga mitha awaz ke hunibole rokhi ase?

”Nightingle pora koishe: “apuni nahune kinika biya awaz kuri ase beng khan pora aru bees khan buzz kuri ase? Inika homoi te  ami kinika gana kuribo?

Saguli pora koishe: “oh nightingle itu awaz pora hi amike bi digdar di ase aru rati tu bishi dukh kuri di ase kile koile apuni gana nakure”. Itu koi kene saguli pora aru bi anurodh kurishe taike gana gabole.

Toh nightingle gana kuribole shuru korishe. Aru jitya tai gana kuribole shuru korishe, tai khushi aru anondo pora hi bhnorta hoi. Itu achurit thakishe ki sob biya awaz khan tu nahuna hoishe.

Kile apuni dhabi ken ease aru bhari mehsus kuri ase mahima nakuri kene? Isor moorm khure, kun pora morom kurile bi nakurile bi itu prithibi te. Tai hodai hi morom kure, daya kure aru apuni karone mon norom kure. Apuni taike mahima nakuribo apuni laga gana logote?

Isor laga bacha khan, jitya apuni gana ru mahima kuribole shuru kore, ji dukh khan aru digdar khan apuni laga jibon te mon dukh kori di ase, itu khan sob harai jabo jinika borom suraj laga ujala pora goli jai. Khushi koribi isor te aru gana gabi mahima laga.

Aji bhabna kuribole laga pobitor kotha tu hoile song of Solomon 2:12 phul khan prithibi te ulai; gana kura laga homoi ahushe, aru turtle dove laga awaz hunibole pai amikhan laga mati te.