Apr 05 – STUTHI KARERO HACHOCHA

Geeder grandh 147:1Yehovan stuthi karero ,apaner Deven stuthir geed gaver achocha, Vu dayaro cha,stuthi karero vona chajacha.

Agediya Daveed Deven stuthi karajema acho anubhavamen sawaad karmelocha. Jethij Daveeder sharema Dever Mandasam lelen arojanna vor motpanen bhulajathani vu permelojako latha sada vor jeeveparethi jarjarithoi nachkudan Deven stuthi kidoju dekacha. Vor gonnin Daveed nacher dekan vor khusheena vorser vikoni. Aaj Navvo Kararer dadem chajako apan ajji kathra jada Deven stuthi karnuko soskarlatho. Kaluvary siluvaper Marojako Yesu Christhun savadkidejako apan puro dallethi Prabhuna stuthi karevalernai cha.

Deemo stuthi karer vadithi apaner jeevanema ghano Dever krupan laandacha.2 Corinthinthivalun 4:15 vachanema kacha Dever mahima malamvena krupa kajako ghaner stuthithi jadaan jada badena yesey thamar barema vencha. KathonYesu Christhuthi bhalan banchero vu meetojarakernai rajako Dever krupa yek ach vath katho, ajji vu Dever premaj. Valarer grandh 3:22 vachan padatho, Apaner Prabhu krupavalo. Vor daya kannai racha jethij apan haal verekonthi.

Theenmo Sthuthi karajema ghano achamethi Dev jathan karacha. Deven stuthi karatho vuj apanen ghatto godarnai ann moto kotar nai thar gheran racha. Yeshaya 60:18 vachanema dekatho Ajji thar deshema balathkar kajako vathaj samlayeni,thar bandema haal vegichkan thoi nash vegichkan thoi samlayeni rakshanaj thar godarnai ann valakpacharaj thar kadapmaan kan thu seni kelechi.

Geeder grandh 91:11 vachanema kacha thar vatema sey thona jathan karena tharvaas vor sojana hakkam dacha. Kan hikkamethi Dev kerochkatho kanna thu stuthi karechiko jana thu Mahan Dever pakodar chandir heta jathanethi rechi.

Charmo stuthi karajethi thu jayamer jeevano banchechi. Geeder grandh 115:17-18 vachan kacha Margejako,vathekarenijako vuthareval sey Yehovan stuthi kareni. Pan ham abbethi Yehovan hamesha stuthi karacha,Yehovan stuthi karo. Hanu katho Deven stuthi kareval banchrechkan ann karenijako margejethi saman.

Maraner vadi dekatho masaj thara marana cha voma Ephesivalun 2:1  vachaner prakar athikramervadithi margejako, 1Timothy 5:6 prakar loker asama margejako. Ajji kunvatho stuthi kareniko voseji banchan rathoi marvejummaj kan Dever vath kacha.