Apr 02 – Mahima kuribi isor ke sob homoi te!

Psalms 34:1 ami ashirbad kuribo isor ke sob homoi te, tai laga mahima narukhi kene ami laga mukh te thakibo.

Duita kisim laga mahima thake: sadharan mahima aru uncha mahima ji pora uncha kure aru sonman diye isol ke. Itu hodai laga ase ki ami mahima kuri kene isor ke dhanyobad kura tu, jitya apuni isor pora bishi ashirbad pai. Jitya apuni ekta notun job laga offer pai, nahoile jitya apuni logote bhal saman khan hi hoi. Itu dangor kotha nahoi apuni karone mahima kuribole aru dhonyabad dibole taike jitya apuni kiman bhal ashirbad khan ke pai.

Utu uncha mahima aru swarg laga mahima ase uncha kurible isor ke itya apuni jai bishi poraikha aru dukh laga rasta te, jitya apuni andhera rasta te berai, aru jitya homoi apuni laga khilaf te hoi jai. Jitya apuni diye uncha mahima, isor pora apuni ke dibo dui phine dhar thaka laga dao apuni laga hath te psalms 149:8. Isor laga kotha hi utu dao ase, ji pora apuni khotom kuribo paribo andhera laga Shakti ke aru maribo paribo dushman ke

Job laga jibon ke bhabna kuri sabi, jun hi bishi Biswas thakishe .  ekta pora ekta tai ke girabole uthi thakishe  aru tai ke kun bi manabole napara laga homoi te thakishe. ekdin pora , tai harai loishe tai laga sob dhon sampatti khan aru tai laga  sob chokra aru chukri khan khan ke durghatna te. Ekta bacha bi zinda thakanai.

Tailaga naukar khan ke bi morai dishe. Isor laga jui swarg pora girishe aru jolai dhishe tai laga bhera saguli khan ke. Dushman khan bi hamla kuri kene tai laga baki ghor laga janwar khan k=bi loi loishe. Sob tai laga  khilaf te jai thakishe. tai laga maiki bi tai laga khilaf te khara kuri kene koishe: apuni ityabi bi apuni laga Biswas te? Shrap dibi ke isorke aru muri jabi!

Hoilebi itu khan sob laga majete, job jani thakishe tagot  mahima laga. Aru tai koishe: “khali ami ahishe ami laga ama laga pet pora, aru khali ami jabot ate. Isor amike dishe, aru isor hi ami pora loishe; ashirbad hobi isor laga naam ke job 1:21. Tai kitya bi Biswas haranai isor uporte. Aru ki thakishe ses te? Tai laga mahima karone, tai aru paishe ki harai jaishile duiguna te.

Aji sob apuni laga khilaf te jai ase pare? Ki apuni bi bimar pora dhuri ase, kam nathaka, dukhiya aru dhar khan nahoile bi khaloa te porivaar ke dibole digdar hoi ase? Ekta thik faisla kuribi apuni laga mon te job nishina, mahima kuribole isor ke sob homoi te.

Isor laga bacha khan apuni ji harai le bi, apuni nijor laga Biswas aru akha naharabole lage. Jnai lobi zaroori mahima kura laga isor ke narukhi kene hodai din aru sob homoi te. Itu hiase ashirbad paa laga rasta.

Aji bhabna kuribole laga pobitro kotha tu hoile james 1:12 ashirbad ase utu manu jun hi bhugibo pare porikha ke, kile koile jitya taike mani loi, tai pabo mukut jibon laga juntu isor pora kosom dishe taikhan ke jun taike morom kure.