Mar 27 – Tai prathana kure logote!

Romans 8:26 inika hi, atma bi modot kure ami khan laga komjuri te.kile koile ami khan najane ki prathana kuribo lage ami khan nimite, hoilebi atma nijor pora hi ami khan logote mile kandi kene juntu kobo napare.

Pobitro atma hi ami khan laga bhal sathi ase! Tai hi ase jun ami khan laga sob prathana ke hune, loi jai tai khan ke swarg te aru itu laga jawab ke loi ane isor baba ehovah pora.

Ami ekla laga hisab te bi apuni kitya bi apuni laga prathana ke pungchibo dibole naparibo. Hoilebi apuni khan laga bhal sathi pobitro atma pora hi loi jai apuni karone aru itu nimite nomro kuri kene mange.

Purana niom laga homoi te, isor laga duth khanuthai kene loi jai apuni khan laga prathana ke isor laga agete. Prathana kora laga agete agarbatti jolai. Jacob dikhishe duth khan ke tai laga sapna te, tai khan niche te aha aru uporte utha. Hoilebi notun niom laga homoi te, pobitro atma nijor hi apuni laga prathana khan ke uthai.

Bishi manu ase jun khan pobitro atma laga kam ke najane. Aru itu ke bi nabuje ki tai khan pobitro atma ke pa tu kiman dangor kotha ase. Judi apuni pobitro atma ke panai itya tok, mon di kene ppobitrno atma pabole laga prathana kuribi.

Pobitro kotha te koi: judi apuni bi biya hoi kene, jane kinika bhal uphar khan dibole lage apuni laga bacha khan ke, kiman bishi apuni laga swargo baba dibo pobitro atma ke jun khan tai ke mange! Luke 11:13.

Ekta bishi jana American singer paul Robeson koi kene thakishe. Tai laga fans khan sob tai ke morom kure aru tai bishi bhal stage te gait hake. Ekbar tai gana kurishe: aru tai laga hath ke dishe bhir laga majete, aru sob bhir khan pora bi khuri pora tai khan laga hath ke dishe. Itu nishina hi, isor bi tailaga hath ke di ase aru koi ase: ami apuni karone kotha kuribo aru loi jabo apuni ke pobitro laga rasta te.

Isor laga bach khan, apuni bi nijor laga hath ke tai logote dibo ki apuni laga jibon tai dhuri kene rakhibole para nishina? Apuni bi pobitro atma ke matibi aru apuni logote thakibole kobi.

Aji bhabna kuribole laga pobitro kotha tu hoile joel 2:28 ami dhali dibo ami laga atma ke sob gau te.