Mar 27 – APANER SATH ARAJ KAREVALO

Romavalun8:26 Vornaiz Athma sada apaner kamjorema apanena maddath karcaha, kassen katho apan kim araj karero kan apanena malamcheni pan,Athma vuj kesakkenijako na saasethi jhuran apanevas nora karacha.

Pavithar Athma apaner hach dosthidhar cha. Vu Pavithar Athmaj apan karajako vinathin lejathanu Baper hathethi vuthar lelen avukaracha.

Thar vinathivun Asmanema vasro jako Dever pagema melevasu thu rocket ghallen jayerveni. Pan apaner Moto dosthidhar Pavithar Athma apner vadithi Bapekan jaan apaner vinathin Bapen norakaran malamkaracha.

Juno Kararema Dever soja Dever dai vinathin lathotho. Yakob vor sapnema Dever sojavo nichingi dharthiparethi asmanen chadan vutharrethey kan dekacha. Lapan Navvo Kararema Pavithar Athmaj Dever dai vinathina araje  lenayevalo cha.

Masaj manikya Pavithar Athma kathra jada kaam karrochako malamcheni. Ajji kathra jada Pavithar Athmama phaido chako sada kaleni.

Aajethanu Pavithar Athmar Abhisheka payokonthi kaiko atho abbaj thu Ankir haasu redan araj karastho Pavithar Athman palechi. Luka 11:13 vachan kacha Paramer Baper dai puchlajena Pavithat Athmana ghano saasij dacha kan ko.

Amerikama Paul Robeson kethani masaj valkaju geedey bolevalo Ann mot mot vedika per geedboler thakathethi vetho. Yek daad vu vedikaper hanu geed bolo, Oh, thar hath manna den..mar haath thu lela kan vor hath janner sam dikalotho malavo sari vor sam hathen dekaley.

Hanuj apaner Prabhu apanesam hath dekalan hanu kacha,Ma thar saru dai vinathi karan thon acha vatema chalavunchu kerocha.