Mar 15 – HUBAR KADEVALO

Romavalun 14:4 Dusarer bayaana doshi kan nev karena thu kun ? Vu hubrathoi padathoi vor maalakeroj kaam ; vu hubracha, Dev vona hubrakadena jorevalo cha.

Dev thona husharethi ra kan kerocha. Vu kai hushar katho , Deven chonaken papema banchrejakonen thu kankren nevu karechi. Kaivasu katho vunden Devaj Vor premethi Vorsaru hoto balalach.

Yek yajaker bagey yek viswasi journal lakkevalo mando samachar lakkamelotho. Vu kai ven ra katho yee yajak visranthir daden sammor khyal kidokoni kan. Vu samachren masaj varesr pacha yee yajak vanchotho masaj bada kido. Kaivasthu katho vu yajak vu kidojako doshen Dever pavgema ankir hasuthi nora karan Dever dai maap puchlido Dev vona maap karnako.

Lapan vu mando samachar lakkojako viswasi matho kamkerniju vendo vethani parrocha kan samlo ,yee kathra dubarer gathi vor. Jethij Vachan kacha Dusarer bayaana doshi kan nev karena thu kun ? Vu hubrathoi padathoi vor maalakeroj kaam ; vu hubracha, Dev vona hubrakadena jorevalo cha.

Dev thona husharethi ra kan kerocha Romavalun 14:4 Gener vathema lakkan chaju yek niyathedhar 7 haptha padajavathoi vuncho vutacha katho ajji navvo kararer viswasin Prabhur vadithi kathra jada maapi maliye kunika . Jethi thu dusren kankren nevu karechi?

Apostle Paul lakkacha 1 Corinthivalun 4:5 vachanema Jethi Prabhur vagath avajer anga kunseni nevu kareniju ro; andharema buraan chajena vu vajaleman ,daller soseni malam karacha. Jana heryekeni chajer motpan Devethi malacha.

Prabhu Yesu thon dadi dekrocha. Kunvatho Vo Prabhur loyeema dhoramelechko voseji vorvaalaj. Vu Prabhu thona Vor vatema chalavacha. Dhaak ghalacha, bhandan sari karacha.

Mar Dever premevalavo yee jagema thar jeevanema  harjarochi kaiko pan dhak padmath. Prabhu jorcheninen joran kamjorevalen thakathethi bharan vor premethi vuncho vatadacha.