Mar 12 – MAHAKNA WANGNA THANGGATKANI !

“Aduna wangthoiraba Iswargi khutki makhada nakhoi nollukchou,aduna mahakna nakhoibu achaba matamda thanggatkani.” (1 Peter 5:6).

Nahakna nasabu nollukcharaga Iswargi panggallaba khutki makhada leiba matamda mahakna nahakpu wangna thanggatkani. Nahakpu wangna thanggatkadaba amadi ikaikhumnagadaba matam adu soidana lakkani. Adubu nahakna Iswargi panggallaba khutki makhada leiba haibasi mahakki apambani. Iswarna madu nahakki punshida thunghandriba phaoba nahakna harao haraona murum murum sonba karisu leitana nollukpagi lambi asida nahakna chatkadabani.

Josephki maramda nahakna munna wakhal toubiyu. Mahakan Potiphergi yumgi manung, amadi keisumsangda mina lanna wa theijinbiba adusing adu khangba takhi. Eikhoina Ecclesiastes ta asumna  pari, “pot khudingmakki damak matam leibani. Atiyagi makhada pandam khudingmakki damakta matam leibani.” (Ecclesiastes 3:1).  Hoi, Iswarna pot khudingmakki damakta achaba matam sembibani. Madu Iswarna sembani. Prabhu Jesuna su angakpa tougadaba oirabasu Mahakki Mapa na sembikhraba matam adu ngaiduna toubani. Aduna Iswarna nahakpu achaba matamda thanggatpidringeida nahakna mahakki panggallaba khutki makhada nollukna leigadabani.

Sendrang na guhagi manungthangba aduda leiba ahoba amada mahum sarambagi wari ama lei. Machasing aduan marumdagi hek thorakpada masasingsu mapum phana  houdringeida painaba hotnarammi. Makhoina paiba ngamdrabanina makhoi guha manungda lupkhre. Makhoina mahum aduda numit nini gumba makha tana leiramlabadi makhoina paiba ngamnabagi panggal adu phanglamgadabani.  Masigi wari asina eikhoida ningsinghanbadi eikhoibu Iswarna wangna thanggattringeida mahakki panggallba khutki makhada nollukna leigadabani.

Prabhu Jesuna taibangda chahi kumthra humdoi gat ha taruk hinglamba adugi manung aduda mahakki punshi adu chahi kunthra muk kananasu masak khangbikhide. Mahakna samaj sak khangdana punshi chahi kunthra muk hinglamba adu khalllubada yaman ngakningai amani. Adubu mahakna Mapa Iswarna thourangbiramba thanggatpa gi matamda adu khangheina ngairammi. Maram adugi damakta mahakki tellaba chahi ahum khaki ministry adu asukki matik panggal leibani.

Jesuna keidoungeidasu hathu hathu thabak touramde. Mahakna khudingmak si matam chana,mapum phana aduga angakpa maongda pangthoklammi. Cana gi luhongbada dharakhagi mahi watpadasu mahakan angakpa thabak pangthoknaba Mapagi matam adu ngairammi. Mahakki seboksingnasu mahakpu yaman thuna taibangna sak khangbiba adu pamkhi aduga misingda mahakki magun phongdoknabasu hairammi. Makhoina Mangonda asumna hairammi, “taibangda sak takningba mina lotna thabak toude. Nahakna masising asi touba oirabadi taibangda nasak takthok-u. Adubu   Jesuna asumna khumkhi, eigi matam laktri….”(John 7:6).  Iswargi machasing , Iswarna nahakpu achaba matamda wangna thanggatpinaba nakhoigi mahakki panggallaba khutki makhada nollukna leibiyu.

Dhyan tougadaba: “matou adugumna naha oiriba nakhoina ahalsinggi makha pobiyu. Hoi nakhoi loinamak amana amagi makha ponnou.   Aduga nakhoi nollukpagi phiron setchillu….” (1 Peter 5:5).