Mar 10 – MAHAKNA NUNGSHIBIRE !

“Jesuna taibangda leiriba mahakki oiraba misingbu nungshibikhi aduga aroiba phaoba nunshibi.” (John 13:1).

Eikhoigi Prabhudi nungshi thoujalna pik thanbani aduga mahakna nahakpu aroibaphaoba nungshibibani.

Lamlakta saji amom amadi alaba asi asukki matik khouranglaga ising thiba koichat chatkhi. Akonbada makhoina ising khajik leipham thengnakhi. Saji amom aduna alaba adu ising thak handuna ngaikhi. Aduga chap mannana alaba adunasu amom aduna ising hanna thaksanu haina ngairammi.

Makhoi ani kana amatana isingbu hanna thaklaroi khangnarakpadagi makhoi anina masa masagi machine adu ising aduda thamle. Adubu ising adugi chang adu hanthade maramdi makhoi ani kana amatanasu thaktabani. Makhoi anina chumnagi thakpa manhanba oiramle maramdi amana amagi khourang baa du hanna koksanu haina khallammi. Asigumba nungshiba asi kayada ngakkhrabano? Masi asengba nungshi katthokpa nungshiba aduni.

Matam amada matei manao asi train gi lambi track aduda chatminnakhi aduga mahakki loinabi adugi makhong adu khanghoudana track aduda chapkhre,aduga mahakki mapuroibana hanjin hanjin hotnaba tarabasu sattokpa ngamlamde.

Makhoi anina asukki matha saba matamda train amasi lakla makhoi anigi leipham adu yousillakkoudre. Nupi aduna mahakki nupa adu chenthoklaga mathawai kanjanaba haibikhi. Adubu mahakna mahakki nupi bu chetna konsillaga siba phaoba nahakka loinagani aduga sigadaba oirabasu siminnagadabani haikhi.

Eikhoigi Prabhuna Cross ta awaba ana kaya bu thengnabada mahak akiba leite. Mahakna lanmisingbu kiba leite. Mahakna Cross tagi su chenthokpa toukhide.

Mahakna eikhoibu nungshibana maram oiraga mahakki mathak cheitheng kaya thengnare. Sastrana hai, “eikhoibu nungsibagi damakta mahakki eena eikhoibu chamthokpire aduga mahakna eikhoibu ningthou amadi puruhit oihanbire. Mahakpu lomba naidana thagatpa oisanu. ” (Revelation 1:5-6).

Iswargi machasing,Iswarna eikhoibu asukki matik nungshibagi maramna mahak eikhoigi damakta masabu katthokkre. Mahakna eikhoibu mamal yamlaba eena chamthokpire. Mahakki nungsiba asi ngamkhei leite..

Dhyan tougadaba: “Mi amana mahakki marup ki damakta mapunshi katthokpa asidagi henba nungshiba atei leiraroi.” (John 15:13).