Mar 10 – Tai morom kure!

John 13:1 jisu thaki kene morom tai laga nijor ke jun hi itu prithibi te thakishe, tai morom kurishe taike ses tok.

Ami khan laga isor bhorta ase morom pora hi, daya pora hi aru tai morom kure apuni ke pura ses tok.

Jongol te ekta horin aru tai laga maiki bi thakishe aru tai duijon bishi pyas lagi thakishe aru pani bisari thakishe. olop pichete tai khan ekta jaga paishe, jote khali olop hi pani thakishe. itu maiki harin pora tai laga mota ke khabole rukhishe. Aru inika hi itu mota harin pora bi tai laga maiki ke khabole rukhishe.

Hoilebi tai duijon bi janishe ki ekjon pora nakha tok dusra jon nakhabo, toh tai khan duijon bi eki logote pani te muk dishe hoilebi pani tu kom hoa naikile koile duijon bi pani tu khanai. Tai khan pani kha laga natak kuri thakishe kile koile dusra jon laga pyas holebi bujhibole. Kiman bi sundor morom ase! Itu hi ase hosa morom, tyag kora morom.

Ekbar ekta maiki aru mota rail lime te berai thakishe aru maiki laga theng tate phashishe. Mota pora iman kuchis kura pichete bi tai maiki laga theng ulabole paranai. Inika mon dukh homoi te train bi usor ahi thakishe, utu line te hi . itumaiki pora tai laga mota ke koishe apuni jai jabi ami logote nathakibi apuni laga jibon bachai lobi. Holebi itu mota taike dhuri thakishe aru tai duijon bi iki logote muri jaishe.

Ami khan laga isor jisu krista, bi iku bhoi nalage dukh paa tu amikhan karone aru tai amikhan laga morom nimite cross te uthishe. Taibhoi laganai itu sipahi aru tai khan laga sawal khan ke, aru tai cross pora polai bi janai.

Kile koile tai laga morom ami khan logote thaka karone, tai nijor ke mori bole dishe cross te amikhan karone. Pobitro koth ate koi: tai jun ami khan ke morom kurishe aru dhulaishe amikhan kea mi khan laga pap ke tai laga khun pora, aru banaishe amikhan ke raja, aru pandit tai laga Jehovah baba, taike mahima ase aru tai laga rajyo hodai hodai din karone. Revelations 1:5-6.

Isor laga bacha khan tai laga morom apuni khan karone, isor pora tai nijor ke dishe ekta jinda daan hisab te, aru ami khan laga pap ke dhulai dishe apuni khan ke raja bonabole isor laga rajyo te. Tai laga morom te iku sima nai.

Aji bhabna kuribole laga pobitro kotha tu hoile john 15:13 dagor morom thaka kun bi nai itu pora, ki jaan dibole nijor ke tai laga sathi khan nimite.