Mar 06 – Tai pora hi dikhabo!

Isaiah 58:11 isor pora hi dikhaidibo lagatar, aru shantusht kuribo apuni laga atma sukha te, aru tagot kuribo apuni laga haddi khan.

Isor pora hi apuni laga hath dhuribo aru dhikhabo apuni ke pura morom pora aru  daya pora ses homoi tok. Hoilebi inika hisab  pora pora tai ppora apuni ke dikhabole, apuni khan pura nijor ke tai logote dibole lage aru prathana kuribo lage taike apuni laga bhabna khan ke dihabole aru hos alaga rasta te loi jabole.

Raja david pora khushi pora itu koi: “isor hi ami laga charwaha ase; ami iku nalage. Tai ami ke hara ghas te ahram kuribole diye; tai ami ke loi jai pani thaka usorte’  psalms 23:1-2. Isor hi apuni laga charwaha hobole lage apuni laga sob kam te. Bishi bar, jitya apuni khan alag alag jag ate isor ke dikhabole diye, apuni khan titya bi dusra jaga khan apuni khan hi thik rakhibole mon jai. Itu hi karon ase kile apuni khan laga rasta aru isor laga icha namile, bishi bar.

Ami khan laga  isor tai ekla nahoi jun pora apuni laga bhuk aru pyas ke mitai. Hoilebi tai utu charwaha ase jun pora apuni khan langa bhabna, icha, kotha aru kam ke diye. Apuni khan bhoi kuribo nalage, judi bi apuni khan ekla bera mora laga jaga pora,kile koile isor jun hi apuni khan logote ase aru tai laga rod aru saman khan apuni  ke ahram dibo. Tai pora bi apuni ke dikhabo rasta apuni khan swarg te napungcha tok, jote hodai din jinda thakibole asse. Hosa bi bhal aru day apuni laga piche thakibo apuni laga jibon laga sob din te aru apuni khan thakibo isor laga ghor te hodai din.

Hobole dibi apuni khan laga prathana be mon diya laga jina psals likha david laga thakishe: “kan dibi, oh charwaha Israel laga, apuni pora joseph ke dikhabo bhera khan nishina, psalms 80:1. Charwaha khan bhera khan sob ke iki nasai. Kunuba khan komjur ase, aru kunuba khan bacha bi thake. Kunuba khan theng nathaka aru alag nishina berabole napare. Itu karone charwaha pora pora dikhai sob alag alag bhera khan ke tai khan laga zaroorat hisab te. Pobitro kotha te koi “tai pora bhera khan ke khabole dibo; tai pora ek jagate rakhibo bacha khan ke tai laga hath pora, aru buki bo mon usorte, aru norom pora loi jabo junkkhan laga bacha ase, Isaiah 40:11.

Isor pora koi ami ekta bhala charwaha ase. Aru ekta bhal charwaha tai laga bhera khan karone nijor laga jaan bi diye. Isor laga bacha khan, kiman bi bhal mauka ase ami khan ekjon thakibole jun ami karone jan diye. Naam uncha kuribi aru sheva kuribi taike pura dhyan di kene aru tai pora bi apuni ke dikhabo aru loi jabo.

Aji bhabna kuribole laga pobitro kotha tu hoile luke 15:4 kina manu apuni khan majmote, sau ta bhera thaki kene, jun ekta harai, chari nadiye 99ta jongol te, aru jai pichete utu ekta laga jun hi haraishe taike napa tok.