Mar 05 – Tai pora ujala kuribo!

Psalms 18:28 kile koile apuni ujala kuribo ami laga diya ke, isor ami laga Jehovah pora ujala kuribo ami laga andhera te.

Yate ami khan dikhe david ke min di kene prathana kuri thaka isor ke tai laga diya ke ujala kuri dibole, ujala kuribo andhera aru tai lag jibon nimite juntu manu karone ashirbad hobole. Itu ekta sundor prathana ase.

Jitya bi dangor factory khan laga uthghatan kure president aru minister khan pora, tai khan diya ke julai, juntu ekta nishani ase ekta bhal kam laga. Kile koile ujala khan  ulai dibole pare andhera ke, itu hi ekta nishaniase ashirbad laga.

Manu pora bonai bishi diya khan andhera ke khotom kuribole. Bishi diya khan ase juntu jule janwar khan laga tel pora bi. Ami khan candles bi ase.  Ami khan kerosene laga diya bi jolai thake. Itya laga homoi te, ami khan electric laga diya khan bi jolai andhera khan ke ulai dibole ami khan ke ujala dibole.

Surute, isor icha kurishe ami khan ke ujala dibole itu pura prithibi te. Jitya tai dikhishe itu prithibi ke itu akar nathaki kene aru khali thaki kene aru andhera hi dur dur tok thakishe, titya  isor koishe: “hobole dibi ujala.” Suraj, chand aru tara khan kiman ujala  hoi kene chamki thake. Tai khan pora hi andhera ke ulai diye aru itu prithibi te ujala diye.

Hoilebi aji laga zaroori verse tu hoile, david pora prathana kure isor ke ujala dibole tai laga diya ke. Itu ki laga diya ke koi ase? Itu tai laga dimag ke koi ase; juntu hi mon bhitor laga diya ase. Jitya andhera  pap laga apuni khan laga atma ke gherau kure, apuni khan laga jibon  biitu pora bi gherau kure aru andhera aru biya khan hi apuni logote thaki jai. Aru andhera hara laga, andhera shrap laga, aru andhera biya atma laga apuni laga atma ke dhuri kene rakkhe.

Junkhan pobitro nathaka ru pap laga jibon te thake, tai isor pora alaga hoi jai- suraj hosa laga, aru andhera pora bi taike dhuri kene thake. Pobitro kotha te koi: hoilebi apuni laga galti khan pora bi alaga kurishe apuni ke isor pora; aru apuni ;aga pap pora dhakaishe tai laga chehra apuni pora, tinni hoile tai apuni ke nahune, Isaiah 59:2

Jitya puni isor ke bon kure, aru andhera puni logohte thake, itu pora hi isor laga ujala apuni laga jibon te juli bole bon kure. Isor laga bacha khan, jitya apuni prathana kure ujala kuri dibole, tai pora hosa bi ujala kuribo apuni laga diya aru itu pora apuni laga jibon ke.

 Aji bhabna kuribole laga pobitro kotha tu hoile proverbs 20:27 atma laga manu hi diya ase isor laga, bisari thake sob bhitor laga manu laga mon ke.