Mar 04 – DEVEN MALAMCHA

Yobu 23:10 Ma kunas vaat javunchuko vu Deven malamcha.

Yober vat kuni samjerveni. Vor gonni Yoben sarap dethanu chonaki. Dosthidhar Yober kaklothima ajji angar lagader dakal vathey kidey. Athra velama rathoi Yobu kerocha , “Ma kunas vaat javunchuko vu Deven malamcha. Mar Prabhun ma savaad karmelochu jethi ,velama javunthoi ma soner nai bhar avunchu. Thar Deven thar velebhaveti ann kaklothi seji aacho malamcha.

Vimochaner grandh 3:7 vachanema Mosethi Dev kacha , Aigupthema Vela karrejako Mar janner kaklothin Ma dittochu , vunden kam karayevalethi vo kidejako noran samlochu, vunder dukha sada Manna malamcha. Sasij Apaner Deven thar jeevanema chalarijako sejini malamcha. Aigupther hathemathi chodayojako Devaj thar sey velathi sada chodayevalo cha.

Geeder grandh 38:6 vachanema Daveed kacha Ma velathi puro navgochu,saari daado ma rotho pharrochu. Deven  Daveeder velan malamchajethi,vor vairivur  mundag khanen thayar karan Pavithar Athmathi abhishek karnakuchu kan ko.

George Washington American sthapana kidojako deshema chalijako anthara yudhamema hathagotho ,vor vairivo vundader sariraath ghudevuthi marnaknu kethanu dhasadretho,vor jeeven banchaldervasu vu rathsari dhasrotho masaj silokkal pani chajako yek nandi ado ayithi.

Vu angaj siyer dad rajethi vu pani ajji jada himamer nai gadda bajlen vethi.  Vu George Washington vothaj godi valan hanu araj kido, ‘ Dev mar kunas  velama chu ko thon malamcha. Mar vairivo ku manna dhasadrechko sada malamcha. Abba ma yee nandima vochkalan peru martho javunchu ,mar janen thuj dekla ‘. Ajji jada ghasanaju vu nandima vochkalan von vethijako sey jorethi peru martho,thameniju vor dallema Deven araj karrotho. Hanu araj karrojethi Vu Dever jorethi bharamelotho jethi von kunsi silo pani thamader vikoni. Hanuj peru martho nandir karadeper athani, yek jaagbi thamanaju dhasan dagargo. Vor vairivo vu nadi kan ayetho vo nandimar silokkal panin dekan yeksada vochkalan peru maren dhairya chenitho Georgena pakadnu kajako sosen pakthin kanaken hoto dagargey.

Mar premevalavo Yee Georgen vethijako velan malamvethijako Deven thar jeevanema chajako cvela sada malamcha. Ann vu Devaj thar sey vairivuthi chodathani thon jayam dacha.

Ajji jada dhyan karen pado 1 Corinthivalun 8:3 Deven prem karevalo kunko vu Devethi malamvencha.