Feb 27 – Atmaniyantron!

Galatians 5:23 norom thaka, atmaniyontron. Itu khan laga khilaf te iku niom nai.

Atma niyontron ke koi ken ease ses laga atma laga uphar majote. Ituke ses te koi thakishe koile bi, itu ekta bishi zaroori uphar ase atma laga uphar majoote- jun tu apuni khan ke bachabole paribo. Atma niyontron pora hi roykhya kure apuni khan ke sob biya pora aru pap kuribole thaka pora aru narak laga juui pora bachai kene rakhe.

Apostle paul pora likhe: “aru jun khan krista te ase kruste rakhishe tai khan laga gau sob icha khan logote aru lobh khan logote. Galatians 5:24. Itu hi ase atma niyontron. Sobse poila pap bi atmaniyontron nathaka karone hi thakishe. sob manu jati shrap te ahi jaishe kile koile eve pora laloch kori kene thakishe. juntu mana kora laga phal itu ke hi kaishe.

Apuni khan nijor laga laloch laga pichete napolabo lage, jinika jongl laga gadha iku niyontron nathake inika. Hoilebi apuni khan nijor laga sob icha aru laloch khan isor ke cholabole dibo lage aru pobitro hoi kene thakibi. Aru itu hi ase apuni khan laga porikha nijor laga niyantron te.

Apostle paul pora itu laga zaroori tu dikhai atma niyontron thaka laga jibon te, jitya dangor khan ke girja ke sabole matishe. Titus 1:8. Naparibo isor pora bi aru manu pora biitu prithibi laga tai khan ke cholabole jin khan atma niyontron nathake. Inika manu khan bhal anibole napare hoilebi khali biya hi ane. Tai khan khali tita phal hi ane atma laga mitha phal taikhan logote nathake.

Ekat athelete ke sabi daur kuri thaka. Tai atma niyontmron thake, gau ke anushashan te rakhe aru itu ke hi Vishay bonai, polai thik ses laga line ke sai kene utu jitya laga uphar pabole nimite. Itu nishina hi, apuni khan bi itu jibon laga daur ke palabole lage jitu isor pora apuni khan ke dishe, nijok ke niyantron te rakhi kene aru itu ke hi jibon laga Vishay bonai kene, jitibole kityabi khotom nahobole laga jibon ke.

Apunikhan itu daur tu polai ase isor jisu ke hi ses laga line bhabna kuri kene, jun hi apuni khan laga  Biswas ke likhishe aru cholabo. Jitya apuni inika polai, atma niyontron thaka tu kiman zaroori ase ki apuni khan itu line te thik thakibole nimite. Apuni khan janibo lage kinika nijor laga icha khan ke cholabole lage, bhabna khan ke aru kam khan ke. Tini hoile hi apuni khan itu daur te jitibole paribo.

Isor laga bacha khan, din khan usorte ase isor duibar ahibole nimite. Aru iku narukhi kene, apuni khan itu daur te polai thakibo lage, thik niyontron thaki kene apuni laga jibon te aru itu jitya laga jibon ke uphra te pabole nimite.

Aji bhabna kuribole laga pobitro kotha tu hoile proverbs 16:32 tai jun hi deri pora gussa uthe bhal ase tagot thaka khan pora, aru tai jun hi nijor laga atma ke niyontron te rakhe bhal ase tai pora nun nagar ke rakhe.