Feb 26 – Bhal!

Ephesians 5:9 kile koile phal atma laga ase bhalte, dharmikta te aru hos ate.

Jun khan ase bhal khan tai khan logote, tai khan ke bhal mate. Itu bhal tu bishi morom laga ase isor laga suku te aru manu laga, aru itu pora hi sonman pai. Jun khan atma pora bhorta ase tai khan bhal pora hi dhuri kene thakibo lage. Apostle paul pora koi: “itya ami nijor ke atmabiswasi ase apuni uporte, ami laga bhai, ki apuni khan bi bhnorta hobi bhal pora, bhorta hobi sob gyan pora, aru itu pora hi ekjon ekjon ke sikhabi”.

Ekta bhal mon tu jharna nishina ase. Jinika sapha pani ulai, inika hi bhal adot ulai bhal mon pora. Pani laga jharna, jitu ashirbad ase manu khan karone, apunibi manukhan karone ekta dangor ashirbad hobo jitya apuni bi bhal pora bhorta hobo.

Pobitro kotha pora koi ki barnabas ekta bhal manu thakishe (acts11:24). Tai bikri kori dishie tai logote ji thakishe aru itu theng te dhalishe chela khan laga, itu poisa pora ministry kuribo paribole aru modot kuribole bidbah aru dukhiya khan ke. Aru jitya manu khan paul ke swikar koranai, itu kile koile barnabas bhal thakishe aru paul ke ministry kuribole modot kurishe aru tai logote berai she . tai khushi hoishe jitya tai isor laga morom dikhishe, aru  sob  ke mon dangor kurishe isor logoteage jabole thik mon loi kene.

Aji bishi biswasi khan ase jun khan bhal dikhai, aru janbole kure ki tai tai khan manu laga bhal kuribole hiase. Hoilebi tai khan laga  mon te, tai khan nijor laga bhabna kure bheriya khan nishina.

Utu homoi te, isor pora sai Israel laga bacha khan ke mon dukh pora: o Ephraim, ki kuribo ami apuni khan ke? Oh Judah, ki kuribo ami apuni khan ke? Kile kooile apuni khan laga prabhubhakta tu phujir laga badalnishina ase, aru phujir laga pani nishina jai jai. Hosea 6:4.

Hosa bhal te iku swarthapar nathake aru itu  hi atma laga phal ase. Apuni khan bhal hua tu nijor pora kamabi napare. Hoilebi apuni khan bhal hua tu isor logote mili kene thakile hi aru pobitro atma logote thakile hi pabo.

Aji bhabna kuribole laga pobitro kotha tu hoile romans 15:14: “itya ami nijor ke atmabiswasi ase apuni uporte, ami laga bhai, ki apuni khan bi bhnorta hobi bhal pora, bhorta hobi sob gyan pora, aru itu pora hi ekjon ekjon ke sikhabi”.