Feb 26 – APHABA OIBA !

“Maramdi thawaigi maheidi maram pumnamakta aphaba, dharmachenba amasung achumbani. ” (Ephesians 5: 9).

Makhoigi nungda aphaba leiriba mising asi phei haina eikhoina kounei. Madugumba aphaba adu Iswar amadi mioibagi mityengda nungsiningai oiba aduga makhoi asi khwaidagi awangba thaka ikaikhumnaba amadi thagatpa phangbani. Thawai Asengbada pikthanba misingna asigumba aphaba magunsing asi leigadabani. Pakhonchatpa Paulna asumna  hairammi, “eigi ichin inaosa, nakhoi aphabana thalle, khangbana thalle amasung amana amabu waraknaba ngamle haiba ei tasengna khangle.”  (Romans 15: 14).

Aphaba thamoi haibasidi ising iphut gumbani. Ising iphuttagi aruba ising chentharakpa gumna aphaba migi hamoidagi aphaba gunsing thorakli. Ising iphutagi misingna kananba phangbagumna nahakki aphaba gunsing adugi maramna misingna bor mayam phanggani.

Sastrana haibagumna Barnabas adu aphaba mini. (Acts 11: 24). Mahakna leijaba yonthokle hairaga pakhonchatpasinggi maphamda pithokkhi aduna madu  ministry toubada sijinnaba yabani aduga leita lairaba amadi lukhrabasing mateng pibada kannagani. Mi atoppa na Paulbu lousinningdrabasu Barnabas ki thougatpa  amadi aphaba gun gi mapalna lousinkhre aduga tungda Paulbu Iswarna henna sijinnarammi. Iswargi thoujal adu uraga mahak yuamna haorakhi aduga atoppa singbusu thougatpikhi.

Houjikkangi thajaba mi mayamsu mibu pangbinaba leibani haina manungdagi yaman sathiraba masagi khakta khanjaba keisalgumna hinglaga lei.

Adungeigi matam aduda Iswarna Israel machasingda yenglaga asumna thamoi sokna hairammi, “O Ephraim eina nangonda eina karibu tousige”O Judah eina nangonda karibu tousige?maramdi nahakki thajaba yaba punshi asi ayukki leichingumbani,aduga anganba liklagumna mangkhi.” (Hosea 6: 4).

Masagi khanba yaodaba aphaba gun adudi thawai asengbadagini. Nahakki hotnabagiu mapanna aphaba adu nahakna oiba ngamloi. Nahakna kaya matik Iswarda naksinbage amadi Thawai asengbaga nakna leibage haiba aduda nahakki aphaba gun adusu oigani.

Dhyan tougadaba: ““eigi ichin inaosa, nakhoi aphabana thalle, khangbana thalle amasung amana amabu waraknaba ngamle haiba ei tasengna khangle.”” (Romans 15: 14).