Feb 25 – MEET SUVANTHER VAAS

2 Corinthivalun 2:15 Rakshan payevaleman naash vevalema ham Devena, Christhur suvanther nai cha..

Tham dharthiper nunedakal cho .Tham jagema vojalo ven cho. Vu chalayer vajaler nai gatlaper melmeleju cha. Thu sada jagemaj Christhur vas meet suvanther nai renu.

Asal meet Suvanther vas katho kai? Vu gavair jeevanen Christhur vasu bancher jeevano vencha. Thar jeevanen ninda cheniju ann paap cheniju banachastho vo jeevanen dekan Kunvatho gavai kevachko vu Christhur dai chalavacha. Yeej gavai vunder jeevanen Christhur rakshanar vatema chalavacha.

Meet suvanther vaser vadi keni prachar karer kaam cheni. Ma suvanther vasan chu daya karan mar dai aavo kan kan vu kai keni. Lapan vu vasan sunger sath kunvotho sungachko voseji vor dai dagaryavacha. Hajarem maakivo yek phuler suvanthen sunger vaasu kathra dur rathoi dhasan avacha.

Hanuj thu kanna vatho ach suvanther vaas devaler nai banchastho admi thu yek vath sada kenijummaj thar vadithi Manikyavo Christhur dai math kathoi avacha.

Ajkal badha karer vath kaikatho masaj Christhuval meet suvanthen vaas devnujako chonaken, bhar deken galeej vasan develer nai banchu karach. Jethij masaj admivo dusarethi samsar karreju, papema haljareju, akramamema rethey , kunasko yek mosama hathajavukaracha.

Vorsaruj vunder mando gavayir vadi Pavitharer Christhur naam badnaam vejavukaracha. Jethij masaj admi Christhur viswasmen sarap dethey maand gaali bhandu karacha.

Thu kannai yek vath herdey mellenu thu yekkaj ankithi dekukarechi pan malkema hajar ankivo dekukaracha. Abba thu ku banchrochiko yek haptha sos karla. Thu Christhur vasu  meet suvanthen devaler nai banchrochika nathkan gandarijako melernai banchrochiko thonthu dekla.

Mar premevalavo thu Christhur saru ach gavaiyin kamalen Dever dhakethi ren Pavitharethi banchnu , janaj thu Yesu Christhur vasu meet suvanther vasen derobancher vacha