Feb 24 – THAJABA!

“ikhraba adugumna eikhoinasu thajabagi thawai adu phanglabanina, “eina thajabagi maramna wa ngangi, aduna eikhoina su thajabagi maramna wa ngangbani.”  (2 Corinthians 4: 13).

Sastragi manungda eikhoina thajaba makhal mari uba phangi. Ahanbada, mahousagi oiba thajaba aduni. Anisubada, eikhoina Iswarda thajaba thamba aduni. Ahumsubada,Thawaina piba thajaba aduni. Aduga mari subada eikhoina  uba phangba adudi Thawaigi mahei oiba thajaba aduni.

Thajaba  asi eikhoidagi tatnaba yaba natte. Nahaknasu thajabada pik thangadabani. Nahakna thawaida  pik thangadabani aduga thawaigi mahei oiba thajaba adugi mahei yallu. Seboksingnasu thajaba asi yamna maru oibani haiba khangbana maram oiduna Prabhuna makhoigi thajaba hengat hannaba haijarami. (Luke 17: 5).

Prabhu Jesu na Martha amadi Mary gi punshida thajaba haibasi    semgatningi. Makhoi sikhraba manao nipa gi maramna  asha amadi thajaba yaodana tengtharammi. Prabhuna makhoida hairammi, “eihak hinggatpa amasung hingba aduni. Eibu thajaba mahak adudi  sirabasu amuk hinggani.  (John 11: 25).  Mahakna makhoida masi hairaphaosu makhoi anina thajaba karisu leiramde. Makhoina Jesuda hairammi, “Prabhu nahak leiramlabadi eikhoigi enaonipa asi siramloidabani.” Makhoina masisu hairammi, “mahakna hinggatpa numit ta amuk hinggatlakkani haiba di eikhoina khangi”. Aduna makhoina thajadabagi wahei adu makhoi anina nganglammi.  Thajaba gi maramda makhoibu takpinaba Jesuna manao nipa adubu hinggat hankhi.

Prabhuna touramba angakpa kaya adu eikhoina uraga eikhoigi thajaba asi chaokhat li. Iswarna angakpa thabak touriba sing adugi sakhi uraga eikhoigi Thajaba asi meigumna chakkhatlakli. Sastrana haibagumna Stephen adu thajaba amadi Thawai asengbada pik thalli hai. Maram aduna mahakna misinggi mamangda angakpa thabak sing pangthokpa ngambani.

Thawai asengbagi khudol ama oina thajaba adu nahakki nungda changlakpa matamda Iswargi damakta nahakna achou achouba thabak touba ngamgani. Madugumlaba thajaba aduna Iswargi damakta achouba singlup sagatpa ngamgani. Maduna thawai kayabu kanba ngamgani aduga  misinggi marakta angakpa thabak pangthokpa ngamgani. Iswargi wahei bu lousinlaga thajariba mi khudingna   thajabagi mapanna sandokpa su ngammi.

Iswargi machasing, nahakki thajba adu akanba oisanu aduga Iswargi wahei da yumpham oisanu. Nahakki thajaba adu Christada chetna punba oisanu.

Dhyan tougadaba: “Thajabagi mapanna Sarahna mironba ngamkhi,aduga mahakna hanuthangda oirabasu angang ama pokkhi,maramdi wasakpikhiba mahakna adu thajaba yabani haina mahakna  loukhi.” (Hebrews 11: 11).