Feb 24 – Biswas!

2 Corinthians 4 :13  aru kile koile ami khan sob bi eki atma laga Biswas te ase, kinika likhi kene ase itu hisab te, “ami Biswas kure aru itu karone koi ase,” am khan bi Biswas kure aru itu karone koi ase.

Ami khan charta kisim laga Biswas dikhi pai pobitro kotha te. Poila, Biswas shuru pora thaka. Dusra, Biswas ekta adot shikai diya laga. Aru itu ke Biswas isor uporte dikhai. Tisra, ami khan Biswas ase, ekta uphar hisab te atma laga. Aru charta, ami khan pure Biswas laga kotha, atma laga  phal hisabte.

Biswas tu sob karone bi bishi zaroori ase. Apuni khan Biswas pora bi bhorta hoi kene thakibo lage. Apuni khan atma pora bhorta hoi kene aru atma laga phal ulabo lage Biswas pora. Jisu laga chela khan bi jani she Biswas laga zaroori tu aru prathana kurishe isor ke tai khan laga Biswas uthai dibole luke 17:5.

Isor jisu bhabna kurishe Biswas dibole Martha aru mary laga jibon te- jun khan mon dukh kuri thakishe tai khan laga bhai mora te iku Biswas aru akha nathaki kene. Isor pora tai khan ke koishe: “ ami ase aru ekbar utha aru jibon. Tai jun amike Biswas kure, tai morile bi zinda thakibo. (john 11:25). Tai itu koa pichete bi, tai khan Biswas thakanai. Tai khan koishe jisu ke, “ isor, judi apuni yate thakile, ami laga bhai muribole thakanai.” Tai khan khali Biswas  nathaka laga kotha hi kori thakishe. itu nimite tai khan ke shikabole Biswas, isor pora lazarus ke mora pora uthai she.

Itu pora ami khan laga Biswas barhai, jitya ami khan Biswas laga kotha pure, isor pora achurit kam khan kora te. Jitya mi khan gawahi pure isor pora dangor dangor kam kura te, amikhan laga Biswas dangor hi jai. Pobitro kotha te koi ki Stephen tu Biswas pora bhorta thakishe aru pobitro atma pora. Itu karone tai kuribole pare dangor achurit kam khan aru china dibole pare isor laga manu khan majote.

Jitya Biswas apuni laga bhitor tea he, pobitro atma laga uphar hisab te, apuni dangor kam khan kuribole paribo aru isor karone achurit kam khan dikhabole paribo. Inika Biswas pora hi apuni khan ke dangor girja kam kura laga uthabole dibo isor karone aru hazar manu khan laga atma ke bacha bole paribo. Tai jun hi pura isor ke loi aru Biswas te thake tai laga pobitro kotha uporte, gawahi diye aru koi isor laga hosa kotha ke tailaga mukh pora.

Isor laga bacha khan, hobole dibi apuni laga Biswas ke tagot aru itu isor laga kotha te hi bisaribi. Aru apuni laga Biswas hodai din krista laga kotha hisabte hi choli bole dibo.

Aji bhabna kuribole laga pobitro kotha tu hoile Hebrews 11:11 biswas pora hi sarah bi tagot paishe guti  bukibole, aru tai ekta bacha jonom kurishe jitya tai laga umar jaishe, kile koile tai faisla kurishe ki tai Biswas ase jun kosom dishe.