Feb 22 – Ruti !

John 6:51 ami hi utu jibon laga ruti ase juntu niche te ahishe swarg pora. Judi kunuba khai itu ruti, tai hodai din zinda thakibo.

Jitya isor manu ke banaishe aru rakhishe eden laga garden te, tai khushi pora taike jibon laga phal tu dishe itu khai kene pet bhorta hobole.

Isor jun pora hi jibon diya laga gash banaishe tai hi manna bi dishe khan swarg laga, Israel manu khan karone. Aru amikhan ke, tai jibon thaka laga ruti dishe. Jitya amikhan prathana kure isor kea mi khan laga din bhor laga khana nimite, tai amikhan ke tai laga hosa kotha diye jitu ami khan ke jibon diye. Tai amikhan ke isor laga pobitro kotha, tagot aru shanti laga atma diye.

Apuni khan bishi biswsi ke lok pai thakibo, jun khan tagot nai aru galti kuri thake, kile koile taikhan  itu jibon laga ruti ke khabole napare. Tai khan atma te bhagor lagi jai, chutu dukh paile bi. Tai khan bishi bar giri jai tai khan laga rast ate. Tai khan itu jibon laga ruti ke kha bi nakhai aru itu laga kotha khan ke Biswas kuri kene bi namange.

Isor hodai din hi tai laga bacha khan ke sob pora bhal khan hi diye. Tai laga kotha khan tu apuni laga khan ahobo lage apuni laga pura jibon te. Ekta bible pora laga manu pora koi: poila laga 69 sal tok, ami isor laga ppobitro koth apurishe, itu ke bhabna kuri she aru itu laga swad bi paishe. Holebi aji laga homoi te bi, jitya ami isor laga theng te bohe bible loi kene ami nijor ke itya bi student nishina  hi lage. Ami isor laga kotha pore, jinika ekta manu text book ke bishi gyan pabole pore.

Pobitro kotha te koi: apuni bisaribo scripture ke, kile koile apuni bhabna kure tate hodai din laga jibon ase; aru itu khan hi ase ji pora ami laga gawahi diye john 5:39. Isor pora apuni khan ke pobitro kotha dishe, jinika ekta library nishina apuni laga hath te. Bible te isor pora apuni khan ke bishi kitab dishe itu bible bhitorte  history, law, science, mathematics, councel, psalms aru inika hi bishi alag alag kisim laga kitab.

Poibtto kotha por aitu bi koi: psalms 84:10 apuni pora ginti kora ekta din bi hazar laga  barabar ase. Ami ekta chaukidar hobole bhal ase isor laga ghor te, tamboo te biya khan logote boha pora toh.Isor laga bacha khan, pobitro kotha ke hi apuni laga khana bonabi, jitu sobse bhal khana ase.

 Aji bhabna kuribole laga pobitro kotha tu hoile Isaiah 55:1 sob khan jun pyas lage, ahe pani usorte;  aru apuni khan jun poisa nai, ahibi kinibi, aru khabi. Hoi, ahibi, kinibi mudu aru dudh bina poisa aru iku kimat nathaki kene.