Feb 21 – Angur laga mudu!

Matthew 9:17 kunbi purana chamra laga jhola te notun mudu nadhale inika korise koile chamra laga jhola phati jabo, sob mudu giri bo aru chamra laga jhola biya hoi jabo. Hodai notun chamra laga jhola te notun mudu dhalibo lage, inika korile duita bi bhal thakibo.

Jitya jisu ahe ekta manu laga jibon te, tai utu manu ke motun bonai diye. Aru sob purana khan tu jai jai aru sob notun hoi jai. Tai pora notun jiobn, notun tagot, aru notun ashirbad diye, notun sathi diye itu atma laga jibon te modot kuribole. Sob notun banai diya homoi te utu manu bi tai laga jibon tu notun hisab te hi cholabole lage.

Bishi manu khan ase purana kapur logote notun kapur silai. Itu pora notun aru purana kapur bi pathabole ulabo.  Itu nishina hi, judi apuni notun mudu purana mudu laga chamra te dhale, itu pora mudu sob giri jabo.

Jtiya ekta manu krista tea he, tai sob purana pap khan, purana adot khan, lalach aru purana hobole mon ja khan tu pahori jabo lage aru notun rishta thakibole lage isor laga bacha aru isor logote. Tai duita mon hobbole napare, ekta theng pani te aru ekta theng mati  te  rakhibole napare. Tai duita nau te bi berabole napare. Itu mel nai ujala aru andhera laga majote. Itu nishina hi,  iku mel hobole napare hosa te aru niom nathaka khan logote, nahoilebi krista aru belial logote.

Notun mudu koa tu isor krista laga koth akoi ase. Tai laga ministry shuru kura laga homoi te, tai pani ke mudu bonai dishe. Aru prithibi laga ses homoi te, tai utu mudu laga cup dhuri kene koishe, “itu cup tu notun kosom ase ami laga khun te”. Angur laga mudu dikhai itu notun mon krista laga khun pora dhulai diya. Itu karone, notun mudu laga chamra koa tu hoile-notun manu krista te nijor ke banabole lage.

Jisu pora sob laga jibontu notun mmudu nishina banai dishe juntu tai laga poila achurit kam ase. Tai tagot ase ekta mamuli manu ke achurit manubanai dibole. Judi apuni krista logote berai aru tai logote bhal rishta thake, sob din apuni laga mitha aru bhal hobo.

Isor laga bacha khan, judi apuni ekbar khai isor jisu krista laga bhal tu, apuni kitya bi piche nahobo lage aru age barhi thakibo lage aru tai logote sathi hobo lage. Jitya isor apuni  ke notun mudu banai diye, apuni bi purana sob chari kene notun hobole lage.

Aji bhabona kuribole laga pobitro kotha tu hoile 1 corinthians 11:25 thik inika nisina ruti kha pichete tai ekta cup loi kene koise itu cup isor laga notun kosom ase juntu ami laga khun pora likhise. Jitya bi apuni ituke khabo, amike bhabona kori kene khabi.