Feb 20 – DRAKHA MAHI !

“Mi kana amatana amanba sa-un gi  khaosingda anouba yu hapnade, haplabadi saungi khaosing adu pokkhaiduna yu adu manggani, adubu makhoina anouba  yu adu anouba  sa-ungi khaoda hapnei, asumna animak liduna thammi.” (Mathew 9: 17).

Christana mi amagi punshida changba matamda mahak anouba khutsem oirak-i. ariba khudingmak chatthokkhre, khudingmak anouba oirakle. Mahakna thawairomda phagatnabagi damakta mahakpu anouba punshi, anouba  panggal, anouba thoujal amadi anouba marup mapangsingsu pibibani. Khudingmak adu nouhallabanina mahakna anouba punshi oina hingba mathou tabani.

Ariba phi adu anouba phida photchinnaba hotnaba mi yam lei. Maduna phi anamak adu  seigaihangani. Chap mannana nahakna anouba dhrakha mahi adu ariba saungi khaoda hapchillabadi khao adu manggani aduga dhrakha mahi adusu manggani.

Kanagumba mi amana Christada laklabadi mahakna ariba pap, ariba matou, ariba mipal apaiba amadi apambasing thadokkadabani aduga Iswar amadi Iswargi oiba misingga amata oina hingminnagadabani. Mahakna pukning ani longba oiba yade, makhoing aman ising manungda amana kangphalda thamba adu oiroigadabani. Mahakna hi ani tongba yade. Amamba amadi mangalna amata oiba yade. Dharmachenba amadi dharmchendaba mi adu    amata oiba yade. Aduga Christaga Belial nasu punba yade.

Anouba drakha mahi adu Christagi eegi  khudamni. Mahakna  thougan touba hourakpa matamda mahakna isingbu drakha mahi onhankhi. Aduga mahakna thougan loisillakpadasu drakha mahi adu loukhattuna asumna hairammi, “masi eigi eeda anouba warepnaba aduni.” Drakha mahi asina Christagi eegi mapanna chamthokkhraba anouba thamoi adugi saktamni. Aduna drakha mahi adugi hapnaba patra oiriba anouba mi aduna Christagumna hinggadabani.

Jesuna thougan touba hourakpada isingbu drakha mahida onthokpagumna misingi punshi adu su anouba drakha mahi oina onthokkhre. Icham chamba mi adubu anouba maong matouda honghanba ngambani. Nahakna Christaga chatminnaraga mahakka achetpa mari leinarabadi nahakki punshi adu nongma nongmagi yamna ningthiba ama oirakkani.

Nungshiba Iswargi machasingm nahakna Christagi aphaba adugi mahao tangkhraba oirabadi nahakna ariba pap amadi taibanggi nungaibada nahak keidoungeidasu tunghanganu. Christana nahakpu anouba drakha mahi oina onthokpa matungda nahakna nahakki ariba papta hingloigadabani.

Dhyan tougadaba: Mahakna charaba matungda matou adugumna tenggot adusu louduna hairak-I, “tenggot     asida yaoriba asi eigi eeda anouba walepnabani, masi nakhoina th akpa khudingda eibu ningsingduna tou.” (1 Corinthians 11: 25).