Feb 19 – DERAA

Amos 9:11 , 12 Padagijako Daveeder derana vu dadema hubarkadan vor godan haach bhandan phutagijako jagevun sammor karan Yedomema migalgeyjen Mar namena permelejako dusar jatheval seni Mar jann swathanthr karlaju penar dader nai pharan bhanduchu.

Agadiyar Grandh 9:21 vachanema agedi Derar vadi lakkameleju dekacha. Vu derama Noah peelen jeeveper latha cheniju vethokan vanchacha. Ajji Agadiyar Grandh 13:12 vachanema Lothu Vor derana Sodomethanu ghallino kan padacha.

Abrahamer vadi Hebrivalun 11:9 vachanema padacha, Viswasethi vona bachan vojako malkema paradeshir nai banchan, vu bachaner saath haasodhar Issakethin, Yakobethi derama vasso. Katho Abrahamer dera viswaser dera.

Issaker dera  dhyan karen dera. Yakober dera Devethi sari raath prarthana karajema ladai marojethi  Ginthir Grandh 24:5 vachanema Yakober deravo kathra majarethi cha ,O Yisrael thu vasajako jaag kathra sundervencha kan dekacha.

Juno  karerema masaj thara deravo cha, vundema  Daveeder deran mathramaj vuncho paduchu kan sogan khan Devaj  ko.  Kankrena katho Daveeder dera stuthi aradhanathi bharan Chajethi Geeder Grandh 118:15 Niyathedharer derama anander jayamer geedey racha.

Daveeder pacha hanu vajayer vajalethi  nachkudan sthuthi karan Deven aradhana karero thamjan, 16 shathabda Apostler dadethanu churchir yithihasemaj vethikoni.

Vorsaruj Prabhu nashven vethijako Daveeder deran pharan bhanduchu kan ko. Prabhu Vu Deemo haptha avajana Aradhana karero Athmathi Vor beptana abhishekmethi seri vumper vundavnu kan sogan khadocha.

Vuj Daveer valader nai chajako Dever bepta kunvatho Prabhuna Sthuthi karan aradhana karachko vunden sanmanethi rakadacha.

Prabhu avajako daad daicha. Jethi Christhur navlerir nai Thu sidhanga ren nachkudan sthuthi karan aradhana karethey Vor anganema javunu. Hanu kun karachko  vunden sethi jada vunchopadacha. Jannaj Dev Daveeder deran pharan bhandacha.

Ajji jada dhyan karen pado Yeshaya 13:4