Feb 19 – Tamboo!

Amos 9:11 jehovah koi ase: ekta dinn anibole ase jitya amid avid laga desh juntu bhangies aru bi banai dibole ase. Itu laga bera khan ke aru banai dibo. Ami ituke aru bi poila nishina banai dibo.

Purana niom te tamboo poila koa tu hoile noah laga hi koishe. Itu amikhan genesis 9:21 te pai. Ami khan lot laga kitab te bi pai ki tai Sodom pora bishi door te tamboo lagaishe. Genesis 13:12.

Abraham laga tambootu hoile Biswas laga tamboo thakishe. Biswas pora hi tai isor laga kosom diya laga mati te thakishe, tamboo te hi Isaac aru Jacob logote  aru tai khan laga bacha khan logote. Hebrews 11:9.

Isaac laga tamboo tu hoile, ekta isor ke bhabona kura laga tamboo thakishe. aru Jacob laga tamboo tu hoile prathana kura laga tamboo thakishe. pobitro kotha te koi: ohh Jacob, apuni laga tamboo laga ghor khan kiman bishi bhal ase; oh Israel apuni lagaa tamboo laga ghor khan bisi sundor ase. Numbers 24:5.

Hoile tate bishi tamboo thakile bi purana niom te, itu khali david laga tamboo ase ki isor pora kosom dishe aru ekbar uthabole karone. Itu kile koile khali david laga tamboo hi thakishe jitu mahima pora bhorta thakishe. itu tamboo tu hoile isor laga mahima ru tai ke dhanyabad kura pora hi bhorta thakishe. pobitro kotha te koi: awaz khushi laga aru mukti laga itu hi ase tamboo hosa laga. Psalms 118:15.

David lag homoi pichete, bishi din hoi kene, ami khan puranai biswasi khan nachi kene aru gana gai kene tai nishina dhun bojai kene.16th century tok tu aposthles khan laga age homoi te iku bi revival laga girja thakanai.

Hoilebi isor pora kosom dishe ki tai pora david laga tamboo aru banabo. Tai duibar aha laga agete, isor pora girabo mahima aru sheva kora laga anointing isor laga bacha khan uporte. Tai pora hi tai khan ke uthabo jun hi sheva kure, mahima kure aru taike sonman diye jinika david pora di thakishe.

Isor aha laga din tu usorte ase. Itu karone isor laga bacha khan, apuni khan tai laga agete jabo lage khushi laga gana gai kene aru nachi kene tai ke mahima kura te aru sheva kuribo lage apuni laga mon te khushi loi kene. Apuni khan mon dukh hoi kene tai ke lok nakuribo lage.

Isor laga bacha khan , it uses laga homoi te, isor rukhi ase pauni ke chuni bole khushi aru anondo apuni laga monte  dibole. Tai hosabi apuni laga mon te itu tamboo banabo david laga.

 Aji bhabon kuribole laga pobitro kotha tu hoile Isaiah 13:4 pahar uporte hala hua khan hunibi, bisi manukhan laga awaz khan ke hunibi bishi desh khan te manu joma hua laga awaz khan ke hunibi. Sipoi khan laga malik Jehovah sipoi khan ke lora kuribole tayari kuri ase.