Feb 16 – Udarota!

Isaiah 32:8 hoilebi ekta udart kora manu udart saman hi loi kene ahe, aru udarota te hi khara kure.

Udarota mane ekta adot mon khuli kene diya aru mon te morom thaki kene. Aru sob isor laga bacha khan itu adot tu tai khan logote thakibo lage.

Itu adot tu khali manu nahoi kene janwar logote bi thake. Gash khan ke sabi tai  khan nijor laga phal ani  diye. Kiman bishi manu hobi hoilebi ann aru phal puhaor pora hi manu khan sob laga pet bhorta kuri ase. Murgi khan bi tai khan laga anda diye hodai din. Mash khan samundar laga, itu bi ekta  bhal kha saman manu khan posond pai. Jitya janwar khan bi ani ami khan ke diya toh ami khan bi kile udart hobole napare manu hoi kene bi? Apuni bi isor laga bacha nahoi jun hi iman udart thakishe.

Jisu  hudishe: matthew 20:15 itu niom nahoi ki ami nijor laga saman ke ki kuribo mon jai khushi ase? Na apuni suku juli ase kile koile ami  bhal ase?

Alag kotha te saishe koile tai amikhan  ke hudi ase ki amikhan kanjus hobo lage na nai, jitya ami iman dayalu ase? Kun bi inika dayalu nai jisu nishina. Tai sob laga iman udaar kura ki tai pura din laga hajira tu khali ek ghonta kora ke bi diye. Jun hi sob ke bhorta kuri kene dishe sob manu khan ke tai laga ashirbad pora pasta roti aru duita mas pora. Tai bhal biya sob laga udar kure pani di kene.

Isor jisu krista koishe: “hoilebi apuni laga dushman ke morom kuribi, bhal kuribi,a ru dibi, aru wapas iku akha nakuribi; aru apuni laga inam tu dangoir hobo, aru apuni khan sobse uncha laga chokra khan hobo.” Luke 6:35.

Sabi joseph laga jibon ke. Tai bishi udarota thakishe. tai laga nijor bhai kokai khan tai lagga khilaf te thakishe, tai ke gadha te gira kene tai ke bikki dishe naukar kuribole.

Hoilebi jitya joseph ke uthai dishe, tai nijor laga norom mon ke dikhai shse aru udar kuri she tai laga bhai kokai khan ke . tai bhorta kurishe tai khan laga bosta khan chawal aru kha loa khan pora aru poisa bi dhalishe. Genesis 42:25. Tai laga baba mora pichete bi, tai nijor laga bhai kokai khan ke bhal pora  saishe morom pora. Tai dishe mol thaka laga mati  aru tai khan ke tate thakibole dishe.

Jitya joseph bi iman udarota hobole pare, apuni khan bi kiman dayalu hobole lage- apuni khan kilekooile itu calvary pora utha laga bacha khan ase. Isor laga bacha khan, mon norom thakibi  dukhiya khan uporte aru mon khuli kene tai khan ke dibi. Aru isor pora hi apuni khan ke hazar gun ate dibo.

 Aji bhabna kuribole laga pobitro kotha tu hoile Deuteronomy 28:12 isor pora apuni khan ke tai laga bhal khazana khuli dibo, swarg ke, pani diye apuni khan laga bagan te thik mausam te, aru ashirbad kure apuni laga hath laga sob kam te. Apuni pora dibi bishi desh ke, hoilebi apuni dhar nalobo.