Feb 09 – DEEYO

Geeder Grandh 119:105 Thar vaath maar taangena deeyon; maaro vaten vajalo cha.

Thar taang tokri nalagaju, duasro vaatema javanaju renu katho vajalo jarur chavnu lagacha. Masaj vagath andharo gheran avajana thu motheyr khayer vatema jayerviya. Athoi Dever vaath thona diyernaj thar jeevanema mundag chalacha.

Thu yek prakatkarer dekrochikela voma andharemathi saap ghusan dekrochkatho vajalo naratho vu saapethi katathani marajayoraj vacha kunika. Yee sapethi ghano dubarevalo sathan athoi thar dai Dever vath kajako diyo ratho vu katha ghusan dekukarathoi thon kai kareni. Yeej javalo kajako Dever vatbethin kunaso bhuther kaam ann kunas dubarer vaten malam karlen thon thuj jathanethi ren paramer vatema jarur chalechi. Dev demelo jako vajaler vath  thon ach vatan mand vaat kunas kan dekalacha. Hanu Devaj Vor khatrer nai chalavacha. Vu Dever vathaj thon niyam prakar ann achamethi chalen sahaya karacha.  Thodsek admi Bibilena achethi vanchanaju vunder ankin kunas vachan dikavachko vuj aach kelacha , vorvumperaj halajavukaracha.

Yek penar saakima yek admi bibilena vagadan dittotho Mathai 27:5 vachanema Yuda vuri ghallino kan pado, ajjek vachan kaadthani  Luka 10:37 vachan padotho thu jaan hannuj karjo kan ditto, jerpacha von haarjathani yeej last kelan ajjek hapthi Yohan 13:27 vachan kaadan pado, voma thu karer jhaldi kar kan ko. Yee saaki penar rathoi masaj manikya hanoj Dever khathren aandevaledakal malamkarlenu kelach.

Lapan mar Dever premevalavo thu asa tharar andher nai karanaju  vajaler Dever vathen thar dallema mellen thar taangen diyer nai rakalden chaalen shuru karer ghat karla.

Ajji jada dhyan karen pado 2 Pethru 1:19 Vujji yethijaada bhakthidharer ghat vaath sada apanen cha; savaaroven parabhathir thara thamar dallema nikalajethanu, andharer jaagema jhankajako diyernai, vu vathena soskarero achocha.