Feb 08 – DHYAAN

Geeder Grandh 104:34 Vona ma karujako dhyan meeto racha; Yehovama ma khushi pavunchu.

Dever dhyan karero kajako yek adhyathmik jeevanen ach chaalvencha, vuj vaddan jayen ghano vupayog vacha..  Daveeder anubhavmemathi Dever vadi dhyan karero  kathra phaydo chakan malamkarrocha. Dever dyan karero ghano achakam ,Dever beptana vu thar sosenan jorena badavacha.

Yek vaath kannai herdey mellenu, kunsi manikyayi soljarochkathoi jeethrochkathoi vu vor mannemathij arambh vacha. Kanna Dever vathen dhyan karero kam karnakachako jana Satan vunder mannema bhuther sosen ann maand chalen ghalanakacha. Vo chalevun puro karnaknu kan rubab karacha.

Agadiyar Grandh 24:63 vachanema dekaju Bible mayi chajako sey bhakthidar Issac khethema jaan Dever vathen dhyan kidoju dhyan karajemaj vagathen kaldetheythey.

Geeder Grandh 119:148 Thar vathen dhyan karena, rather vagathemayi maar anki jaagan racha. Kan Daveed kacha. Hanu araj karan dhyan karero thar jaanen jor lavacha ann Prabhuthi jodaan revaju karacha.

Yehoshua 1:8  Yee Dharmashathrer grandhemar bhoda nakaraju renukoni. Voma lakkameleju karan thon thuj jathan karlesaru rathan diye dhyan karastho thar vaten sudho karlen achethi chalechi. Jashuan 30 rajyamevuthin Canaaner 31 rajevuthi yudha karer vethi. Yehoshuar mundag yesejithi ladai maran jeethnu katho vor jeevadam ann jeevema thakathan jor renu. Yehoshuan malam chajako kai katho yee jor manna Dever dharam shasthren dhyan karatho malachakan. Mar Dever premevalavo Dever vathen dhyan karevaler jeevano bharpur ashishethi racha jethi Hanuj chalen ghat karla.

Ajji jada dhyan karen pado Geeder Grandh 39:3 Mar dall marmayi vukalgo;ma dhyan kidojanna angar laago;jana mar jeebethi araj kido.