Feb 07 – Sapna !

Psalms 19:1 swarg pora koi mahima isor laga; aru itu prithibi pora dikhai tai laga hath laga kam.

Sob khan jun isor ke mororm kure, sabole pai mahima, achurit aru tagot isor laga aru tai laga nirmaan laga. Itu anondo mukti laga tai khan laga mon te thaka pora hi  dikhe sob notun sapna te.

Jitya apuni khan ghushi bo ekta sundor bagicha te, apuni khan hara mati dikkhi pabo, bhal gun laga phul pabo alag alag rong laga, gash juntu khan Chaya diye suraj laga ujala  pora aru sundor pani laga jharna khan dikhi pabo. Apuni khan khushi hobo Jehovah te aru taike dhonyabad dibo tai laga gyan karone itu khan sob nirmaan kura te itu apuni khan karone.

Hoilebi judi Biswas nathaka manu itu bagicha te jai, tai bhabna kuribo itu khan sob sundor saman khan nijor hi ulaishe hazar hazar salt e. jitya tai itu khan dikhibo, tai khushi bi nahoi aru dukh bi nahoi. Pobitro kotha te sapha pora koi 1 Corinthians 2:14 hoilebi prithbi laga manu napai saman khan atma laga isor laga, kile koile taikhan budhu ase tai nimite; aru tai najane taikhan ke, kilekoile tai khan atma te gyani nahoi.

Ekbar ekta biswasi manu aru ahbiswasii eki logote balu mati par kuri thakishe, tai khan duijon bi rasta harai she. Bishi diri pichete najani kene berai thaka homoi te  tai khan unth laga theng laga nishan paishe aru taikhan khushi hoishe rasta paa te. Itu biswasi  manu tai laga ghutna te giri kene  isor ke dhonyabad kurishe. Tai itu ahbisasi kebi koishe, “sabi amikhan paishe itu theng laga nishan unth laga ase manu laga nahoi. Jitya apuni itu theng laga nishan ke dikhibo, itu jani pai ki ekta unth ase aru tai itu rasta jaishe. Itu nishina hi jitya apuni swarg te sabo, ami jane ki ekta isor ase jun pora itu prithibi ke banaihse. Aru ami tai laga hath laga kam khan itu saman khan laga nirmaan te dikhi pai.

Isor laga bacha khan, itu isor ase jun pora swarg aru prithibi banaishe, aru sob nirmaan khan pora tai ke sheva kure. Apuni bi tai ke mahima kuribo lage aru sheva kuribo lage, jun pora swarg aru prithibi ke bonaishe.

Aji bhabna kuribole laga pobitro koth atu hoile romans 1:20 prithibi bonabole laga homoi pora  taike suku pora dikhibole naparile bi tai bonai diya saman khan pora tai kiman dangor ase aru tai laga kiman tagot ase bujai dise. Itu pora polabole naparibo.