Feb 06 – Ami ke dangor banai!

Psalms 18:35 apuni laga morm pora ami ami dangor hoishe!

Hodai din isor ke akha kure itu ekta alag adot thakishe raja  david laga. Tai kityabi phutani kura tai laga tagot aru gayn loi kene, dangor hobole nimite. Itu verse te, ami khan dikhi pai tai nomro kura ki isor laga morom thaka  nimite hi tai dangor hoishe koi kene. Hosabi isor laga morom thakile hi mannu dongor hoi.

Kunuba manu bhabna kure ki taikhan dangor hobo tai khan laga gyan aru   budhi pora hi. Kunuba khan tu bhabna  kure tai khan dangor neta hobo tai khan bhal kotha kobo jana karone. Aru kunuba khan tu bhabna kure ki tai khan laga jati manu pora  hi uthai dibo. Hoilebi kun bi hosa pora nijor tagot aru budhi pora dangor hobo napare isor laga  icha nathakile.

Hoilebi jitya apuni isor pora ki ki kori she itu bhabna kuribo  apuni  khan jani pabo ki isor laga morom pora hi apuni khan sob paishe. Isor ikubi ginti nakuri kene hi tai laga morom manu khan ke diye, aru itu pora hi manu unnati kure aru dangor manu hoi jai, maan  sonman pai jaibon te. Aru isor laga morom aru ashish manu khan unnati aru bhal jibon thaka te hi pai.

Jitya isor pora manu ke morom kure tai laga ashish hodai din karone thaki jai judi itu manu hosa rast te thake. Bishi homo bi thakishe pare jote apuni khan galti rasta dhuribo le thakishe aru isor pora hatibole thakishe. hoilebi ki karone ase apunni khan itu koranai aru thik hi thakishe kiman dukh pailebi ?

isor hi ase utu homoi te bi apuni khan ke morom kuri thakishe aru chari diyanai apuni khan ke tai usor te rakhi thkaishe itu karon apuni khan hati bole paranai. Itu isor laga morom nimite hi ase. Itu karone isor koi:jeremiah 31:3 hoi ami morom khuriishe apuni ke khotom nohobole laga morom logote; itu karone, morom logote ami apuni ke usor anishe.

Bhabnakuribi isor laga morom ke  aru dhonyabad dibi apuni laga mon sob di kene aru naam uncha kuribi tai laga mahimate. Itu tai laga morom karone hi ase  ji pora apuni ke uthai dishe  aru tai laga usor te rakhishe. Jitya prophet Zachariah isor laga bhal khan ke bhabn kure, tai isor laga mahima kuri kene koi Zachariah 9:17 kiman bi dangor ase isor laga bhalkhan aru kiman bi danngor ase tai laga mon sundor tu. Isor laga bacha khan, isor laga morom ke dhuri kene thakibi aru isor pora hi apuni ke unnati dibo.

Aji bhabna kuribole laga pobitro kotha tu hoile 2 peter 1: 3, 4 tai laga swarg laga Shakti amikhan ke dishe sob saman te ki amikhan cholabole jibon te aru isor nishina adotte, tai laga gyan pora jun amikhan ke matishe mahima te aru hosate, juntu pora hi amikhan ke dishe ginibo napara dangor aru kimti kotha ki apuni khan bi swarg laga bhag hobole, sob biya khan ke par kuri kene itu prithibi laga juntu lobh pora hi bhorta ase.