Feb 04 – Amikhan sheva kuribo!

Joshua 24:15 hoilebi ami karone aru amilaga ghor karone, amikhan Jehovah ke sheva kuribo.

Yate amikhan sapha kotha koa jani pai Joshua pora. Tamil kotha te hoile itu bishi sapha pora koi ken ease. Yate khali Jehovah ke sheva kuribo koa nai hoilebi, amikhan ekla Jehovah ke sheva kuribo inika koi kene ase. Yate sapha pora koi kene ase ki taikhan alag isor ke shevah nakuribo.

Amaikhan laga isor jisu koishe: kunbi duita malik ke shevah kuribo napare; kilekoile tai ekjon ke morom aru ekjon ke biya pai thakibo pare, nahoilebi ekjon logote bafadar aru ekjon logote dhoka dibo. Apuni khan kityabi Jehovah aru poisa ke sheva kuribo naparibo. (matthew 6:24)

Itu prithibi te duita malik ase. Amikhan laga isor jisu krista aru, dusra tu hoile satan. Apuni khan isor jisu ke morom kuribo lage aru satan ke biya  pabo lage. Judi apuni isor jisu ke morom kure titya hoile taike ekla sheva kuribo lage.

Dusra tu hoile, jitya puni isor ke sheva kuribo, apuni khan taike pura mon di kene sheva kuribo lage apuni laga atma tagot sob di kene. Itu kotha  apuni laga mon aru tagot sob kua tu hoile, isor laga ke ke ekla sheva kure. Kinika bacha khan tai khan laga homoi aru  tagot di kene porikha te 100 pora 100 anibole kitab pore inika hi apuni khan bi pura mon aru tagot di kene isor ke sheva kuribo lage apuni laga sob di kene. 1 samuel 12;24 pura mon di kene Jehovah laga kotha khan mani kene thakibi aru tai logote biswasi hoi kene thakibi . tai apuni khan karone kiman dangor dangor kam khan kurise itu khan napahoribi.

Tisra tu hoile, apunikhan isor ke bhoi kene sheva kuribo lage. Psalms likhan khan pora koi. Isor ke bhoi kuri kene shevah kuribo lage, aru khushi kuribi kapi kene psalms 2:11. Itu bhoi tu taike biya laga nahoi ki tai amikhan ke biya bimar dibo, amikhan ke norok te pathabo koi kene hoilebi tai nimte amikhan laga morom naharabo nimite hi itu bhoi thakibo lage. Isor ke bhoi kura mane biya ke ghin laga ase proverbs 8:13.

Aru chautha tu hoile, apuni khan isor ke hosa mon pora sheva kuribo lage. Inika hi david pora tai laga chokra Solomon ke shikkai she. Apuni karone  ami laga chokra Solomon, janibi isor apuni baba laga, aru sheva kuribi taike apuni laga hosa mon pora aru icha kora dimag pora, kilekoile isor bisare sob mon aru buje sob mon laga bhabona 1chronicles 28:9. Apuni khan manu ke sheva kuribo nalage hilebi isor ke apuni laga nomro mon li kene. Apuni khan tai laga kam kuribo lage, purahosa mon pora aru icha kuri kene.

Panchwa tu hoile, khushi pora isor ke sheva kuribi. Pobitro kotha te koi: sheva kuribi isor ke khushi pora;ahibi tai laga usorte gana kuri kene psalms 100:2. Tai thaka hi apuni laga anondo hobo lage. Aru tai laga ghor hi apuni laga dangor icha hobo lage. Isor ke sheva kura hi apuni laga mon shanti hobo lage. Isor laga bacha khan, sheva kuribi isor ke apuni laga pura din te jibon laga. Taike sheva kurikene tai laga kam kuribo para hi sobse dangor asish ase.

Aji bhabna kuribole laga pobitro koth atu hoile acts 20:19 sheva kura Jehovah ke apuni laga nomrota pora, bishi suku pani logote aru porikha juntu hoieshe ami logote jews khan laga chalak pora.