Feb 03 – Itu pora uthai dibo!

Josua 1:8 niom laga kitab ji hoilebi apuni khan laga mukh pora hatibo nalage. Hodai din aru hodai rati ituke poribi aru tate ki ki niom likhi ken ease itukhanke thik pora mani kene thakibi. Tini hoile apuni khan ji hoilebi jitibo aru bhal pora thakibo.

Isor Jehovah pora amikhan ke achurit  kotha koi ase Joshua laga kitab pora. Ki ase ekta  bhal jibon thakibole laga niom tu? Jehovah pora koi ki niom laga kitab tu kitya bi amikhan laga mukh pora hati bo balage. Apuni khan itu ke puri kene rati din bhabna kuribo lage aru utu hi kuribo lage jibon te juntu tate likhi ken ease.

Bishi manu ase jun khan taikhan laga chukri nimite mota bhal napai ken ease, bishi baar sai kene bi. Nahoilebi tai khan laga chokra ekta bhal kam napai kenease iman bisari kene bi.

Pobitro kotha pora koi amikhan ke ki ji kuribo itu thik aru bhal hobo (psalms 1:3). Hoilebi kun laga rasta unnati kuribo? Pobitro kotha te koi: psalms 1:2,3 hoilebi tai Jehovah laga niom khan te khusi pai; aru tai laga niom khan ke tai pura di aru pura rati bhabna kuri thake. Ta I nodi kinarte ekta gash thaka nishina ase; jun thik homoi te juti khan dhuri thakke; aru jun laga pata khan kitya bi nasukhai; tai ji koribo jailebi pari jai.

Apuni khan pobitro kotha bible tu hodai puri thakibo pare, ekta adot laga hisabte. Hoilebi apuni khan itu ke hi nijor laga bukh banabi aru itu laga bhitor kotha khan ke bujibole bhabna kuribi, titya hi apuni laga sob rasta unnati kuribo. Homoi dibi pobitro kotha ke loi kene puribole aru ki koi ase ituke thik pora bhabna kuribi aru jibon te cholabi. Itu pora hi apuni khan ke unnati aru thik rasta te loi jabo.

Jitya apuni  raja uzziah ke sabo, jehova pora taike dangor aru unnati hobole dishe tai isor laga rast te thaka tok (2 chronicles 26:5) sob manu laga rasta te unnati nahoi, kile koile tai khan nijor laga tagot aru bhabna ke akha kure aru pora likha uncha podh aru dangor jana manu ke akha kure. Isor laga bacha khan apuni khan  hodai din isor laga kotha ke hi Biswas kuribo lage aru ituke pori kene itu laga  niom hisab te hi cholibo lage.

Apuni khan laga unnati  rasta hobo karone, isor laga kotha ke apuni laga mukh aru kam pora hati bo nalage. Aru ituke hi bharosa kuri kene thakibi.

Isor laga bacha khan, jitya apuni pura isor laga kotha ke hi bharosa kuribo, apuni laga mon tu kitya bi bhoi nakuribo ki unnati hobo na nai koi kne. Apuni kitya bi bhoi nakuribo ki apuni  bhabna kura tu hobo na nai koi kene. Aru apuni laga mon tu shanti pora isor laga homoi karone hi rukhibo Biswas kuri kene.

Aji bhabna kuribole laga pobitro kotha tu hoile Isaiah 48:15 ami hi ase aru koise aru taike matise, a mi taike cholaishe aru jitibole dishe.