Jan 30 – VELABHAVETITHI BHARPUR VERO

Hebrivalun 2:10Kimkatho- Vorvaas kan, vothi solina banayojako, vu ghaney beptana mahimama laan belajana, vunder rakshanar hakk daaryana bhavetithi, puro barobbar karer Vona chahaju vego.

Vachanema vaancheju apan velabhaveti padanaj bharpur vethanu Dever rajyamen jaavnu kan. Dever premer Beta Yesu Chtisthu apaner vasuj yee dharthiper ayo. Ghan velabhaveti padanaj bharpur ven apanen rakshan laavnu kethanu Deven Vor Beta vela paden chajevalo cha kan ditto.

Mathai 16:21 jannathiren Yesu vu Yerushalemena jaan, motuthin mot Yajakethin Sashthriyuthi bhaveti padan paran Theenmo daad jeevyayojer jarur chakan vor chelana kena surukido. Yee vathen samalan sey chelavuma motovethojako Pethru hano Yesu Prabhuna hoto ken thayarvego ( Mathai 16:22-23)

Jana Pethru Yesu Prabhuna naali balalejan, Prabhu yee thona chalanukoni, yee thona kannai chalenikan Vona dalkarena surukido. Pan Yesu Prabhu Pethru Sam hotopharan- Maar paachajo bhooth thu manna aado chi, Devervadi soskaresniju manikyarvadi soskarechi kan ko.

Prabhu kannai velabhaveti padanaj bharpur venu kevatho manikya seji achethi renu kelacha. 2 Timothy  3:12 vachanema Paul Timothina Hanuj Christhu Yesuma Dever bhakthithi chaler dalleval sey bhaveti padacha. Philippivalun 1:29 vachan kacha, kasenkatho- Christhuma viswas Karen and konipan, Vorvaas bhaveti padeni thamena dinocha. Yesu Prabhu Vor chelavun kannai tham sokkethi banchocho kan sekhayokoni.

Agedithij Yesu Prabhu vunden velaracha kan kelayotho. ( Yohan 16:33) vachanema padatho, Maarmayi thamena samadhan vena yinden thamena ko;jagema thamena tharey avacha athoi himmath lelo; Ma jagathina jeethochu kan ko.

Ajji jada dhyan karen pado 2 Timothina 2:11-12