Jan 28 – BHARPUR KRUPA

Apostler kaam 4:33Prabhu Yesu jeevyayervadi, apostle sey ghano jorethi gavayi diney;vundeper sey Dever krupa bharpur ra.

Puro chajethethi bharpur krupana pavaju Thu vaddan javnu. Apostler Paul kacha mann kai chako vuseji  Dever krupaj. Vu Dever krupathij ham banchrecha, vu krupathi ghano moto gavayi dethanu Dever seva karrecha. Dever krupathi bharpur krupama agadiyar apostle seji Christhur vadi prachar karan voddan jarethey. Thadri red mati reda Dever seva kareval reda sejini Dever krupa chavacha. Vu Dever krupathij Thu jayamer dhasni dhaserviye. Yee Dever krupathij Dever rajyam ann Vor simhasan bhander vacha.

2 Corinthivalun 12:9 vachanema Dev kacha Mar krupa thon dher ;kamjorema Mar jor bharpur vejaye kan ko. Kankren katho apostler Paul vor jeevadama yek kaantey sarik vela vethi. Jethi Dev koju Paul vor kamjorema Dever krupa bharpur racha kan malam kido. Dever krupaj thar kamjorema bharpur joren dacha. Kunvatho Dever krupa vumper adharpadanaju vor soth joreper adharpadachko vo harjavacha. Lapan kunvatho mann kai malamcheni ma kai kam duni kelachko vundeper Dever krupa bharpur jorethi bharan Dev bharpur krupan dekalacha. Thu Dever krupaper neendlelenu.

2 Corinthivalun 9:8 vachanema apostler Paul kacha, Vujji tham solimayi hamesha bharpur vena, heryek achkam karena, Dev thamar dai soli tharar krupana jada karevalo cha. Thu Dever krupana bharpur pavnu katho theen kaam jarur karnu lagacha. Agediya Valarer Grandh 3:23 vachanema chaju thu parabhij por vutan godi valana Deven araj karan Dever krupa na palenu. Kankren katho Dever krupa heryek daad navvo racha, Dever daya ghano moto cha.

Deemo Gener vath 3:34   , thatta karevalena vu thatta karacha pan saan loguna Vor karuna dakalacha.

Theenmo 2 Corinthivalun 4:15, Dever mahima malamvena krupa kajako ghaner sthuthi jada badena yisey thamar bharema vegocha.

Ajji jada dhyan karen pado Geeder Grandh 90:14 Hamar jeevaner daad sey anandethi khushi payena, parabhathi thar karunathi hamena dhapades.