Jan 28 – Mapum phaba thoujal!

“aduga athoiba panggal gi mapanna pakhonchatpasingna Prabhu Jesugi hinggatpagi maramda sakhi pikhi. Aduga makhoigi thakta achouba thoujal leirammi.” (Acts 4:33).

Changkhonba lambida nahakna changnaba nahakna mapum phaba thoujal maru oibani. Pakhonchatpa Paulna hairammi, “khudingmak asi thoujalgi mapannani. Eikhoina hingliba asisu  thoujalgi mapannani,eikhoina hingduna thougal asi touribani. Ngallingei matamgi singlup aduna Christagi maramda achouba sakhi piduna makhoina thoujada mapum phaba oikhi. Thajariba mi oigera, thougal touriba mi oirabasu Iswargi changkhonba thoujal adu darkar oiribani. Thoujalgi mapanna nahakna lamjel adu aroiba phao chenlaga maipakpa oiba yabani. Aduga thoujalgi mapanna Iswargi phambal amadi ningthou leibak adubu lingkhatpa ngamlibani.

Pakhonchatpa Paulgi mathak asonba ama leirammi aduga madugi mapanna mahak yamna anaba oirammi. Madu mahakki hakchangda tingkhang amagum oirami. Madu gi damakta mahakna Iswada haijaba matamda Iswarna karamna paokhum pi haiba nahakna khangbra? Iswarna hairammi, “eigi thoujal nahakki damakta a-okpani,maramdi eigi panggal asi asonbada mapum pharibani.” (2 Corinthians 12:9). Thoujal leirabadi nahakki asonba sing aduda Iswargi panggal phongdorakkani. Nahakki asonbada nahak akanba oirakkani.

Iswargi panggal da ngajadana masagi panggalda ngajariba misingbu maithigani. Masana nollukcharaga karisu natte haina khangjaraga Iswarda pum kat kathokpa misingbu mapum phaba thoujal da changsingani. Iswari gi thoujalda nahakna matam chuppada ngajagadabani. Pakhonchatpa Paulna asumna hairammi, “maramdi hiram khudingamkta matam pumnamakta nakhoigi awatpa leitaduna aphaba thabak khudingmakta marang kainanaba Iswarna nakhoida  thoujan pumnamak marang kaihanba ngammi.” (2 Corinthians 9:8).

Nahakna thoujalda marang kaina leiba yanaba nahakna tougadaba pot ahum lei:

Ahanbada nahakna ayuk nganna hougatkadabani,nahakki khu-uda leplaga Iswargi thoujal phanggadabani. Maramdi Iswargi thoujal sing adu ayuk khuding nouduna leiribani. Mahakki thajaba yaba adusu angakpani (Lamentations 3:23).

Anisubada, Iswar amadi mioibagi mityengda nollukpa punshi hingu. Aduga Iswarna nollukpa misingda thoujal pibi. (Proverbs 3:34).

Ahumsubada, nahakna Iswar khurumba amadi thagatpagi chang aduda thoujalsu marang kaina leigani. Sastran ahai, “maramdi misingda henna henna sandokliba thoujan aduna Iswargi matik mangan gi dmak thagatpa asi mapal naihandanaba nakhoigi damak pumnamak asi oiribani.” (2 Corinthians 4:15).

Iswargi machasing, nakhoi loinamak thoujal da changkhonba oisanu.

Dhyan tougdaba: “nganna nahakki thoujan aduna eikhoibu pelhanbiyu,aduna eikhoina harao tayamna leigani.” (Psalm 90:14).